川濃

Open Now

Now Closed

諗緊聖誕，朋友喺科學園租咗個檔仔賣寵物嘢，梗係支持佢，順便喺附近埋dinner。鍾意食辣嘢嘅我，一眼就相中呢間川濃！麻辣台灣真鴨血豚肉米線 $58湯底叫咗微辣，但係嗰浸麻辣味都好出，唔會死辣嗰隻，唔會令人食唔落去。米線嘅煙韌度啱啱好，配菜都好多，又有菜、碎肉。份量又係大大碗。追加紅油抄手 +30一啖一隻抄手，好快就清晒成碟。紅油加咗啲醋， 十分開胃。赤肉和牛涮涮鍋 $98呢個叫咗四川雞煲辣湯，個湯底勁惹味。一開始上菜，尖沙咀擺低一碟又一碟，感覺超抵食。因為仲追加咗多一碟蠔油生菜。嗌咗成枱嘅嘢食，最尾係食得晒嘅，可想而知辣得來又吸引人繼續食落去，就知佢幾好食la呢間隱藏喺科學園嘅川菜，真係臥龍藏虎，如果有機會嚟到科學園，又唔知食咩，呢間食得過。