Lamees

Open Now

Now Closed

估唔到土瓜灣有中東/地中海菜，環境裝修有種中東古典韻味。座位有二十個左右，都有唔少人揀呢到聚餐/傾計。*Hummus B Lamb $120鷹嘴豆泥順滑厚身，豆香未算濃，伴蒜蓉、松子、橄欖油。羊肉粒調味較重，配hummus能夠平衡微膻嘅羊肉。彼得包有四塊，比較細塊，所以唔夠喉。Arnab Rabbit Leg $220法國野兔脾用橄欖油、洋蔥、各種香料焗製，嫩而有肉汁，有少少似雞肉。印度米飯乾身，配兔肉，薄荷蕃茄汁微甜微酸，好夾耶。Kanafeh $105經典中東甜品起源於巴勒斯坦，細麵絲混合酥油，中間包住拉絲芝士，焗到黃金焦脆，淋上玫瑰糖漿，撒埋開心果碎。外層脆卜卜，味道鹹甜鹹甜，做為飯後甜品好強，不過偏油膩。