一生懸麵

Open Now

Now Closed

係香港想食一碗正宗日式拉麵難，想食一碗性價比高嘅日式拉麵難上加難。為左一碗拉麵，今日走左去九龍灣得寶商場，試一試人人都讚嘅嘅一生懸麵。  可能閒日關係，去到唔駛排隊，直接入坐。  白湯豚骨拉麵 ($72) 拉麵一上檯已經聞到香濃豚骨湯味，第一啖當然要試下佢個湯頭。飲第一啖湯，湯濃而不膩，飲得出唔係平時出面開粉嘅湯底而係真材實料用豬骨煲出黎。之後即刻試埋個麵底，麵條爽彈，唔怕煮到淋晒，值我一讚。最後就試埋日式叉燒同流心蛋，水準完全拍得住日本拉麵鋪。難怪咁多人推薦。  煎餃子-五隻 ($29) 餃子皮煎得好脆，但食落一啲都唔油。入面係傳統日式餃子餡，整體黎講不過不失。 食完呢碗拉麵同呢碟餃子真係好滿足，完全覺得自己置身於日本，有機會一定會再黎試埋其他口味嘅拉麵。