金酒屋

Open Now

Now Closed

金龍珠海膽吞拿魚蓉卷($158)，餡料十足，好多滑溜溜既海膽，加上大大粒漬物蛋黃，黏黏既口感，兩者互相輝映。金糖盒海膽三文魚籽日式豆腐($158)，由棉花糖、威化餅、豆腐、三文魚籽、海膽、魚子醬組成，一口咬落食到晒所有材料，口感層次豐富，海膽好鮮甜。 戀丼月見特厚燒牛舌三文魚籽($238)，超大塊既牛舌，而且仲係厚身，師傅已經將牛舌𠝹花再燒，裏面容易熟又美觀，口感煙煙韌韌又帶有少少爽口，月見即係蛋黃，將佢篤穿蛋黃汁滲入飯粒，攪拌黎食好香好滑。嚴選松板豬($58)、安格斯牛肋肉($58)、厚燒牛舌心($58)、自家製雞皮卷($58)，雞皮蝦面層燒至脆口，內裏蝦肉彈牙，牛肋肉和牛舌都好有咬口。鹿兒島A4和牛($188)，油脂分佈均勻冇筋位，口感軟腍，牛味重。兵庫縣生蠔鍋($680)，目測有15隻生蠔，每隻都好肥大飽滿，煮熟左size亦唔會縮得好細，食落保持到鮮味，店家還提供左海鹽，但我覺得原汁原味最好，食左咁多重味道食物，最後食返個疏菜，解一解油膩感，用腐皮做福袋好精緻，裏面係年糕。白桃乳酸梳打($38)、柚子乳酸梳打($38)，清爽冰涼，果味重，甜度適中，唔會得個甜字。