Video
Read full review
2017-04-27
1802 views
週四晚相約幾位朋友食飯，見過呢間私房菜有巨多好評，有魚有肉有海鮮，相當吸引，知道位置唔多，所以預先訂位。預約位置後，餐廳會以whatsapp跟食客溝通，會先了解客人有冇咩特別菜式要求，根據客人口味、預算設計菜單，按人頭收費。我地早兩日已經收到餐廳回覆相關菜式，基本上都好滿意，冇作修改餐廳就喺敬運工業大廈，唔難搵嘅，地鐵站一出見到馬會直行右轉就係。一共有六張大枱，空間感足，裝潢簡單，以木枱木凳為主。當日我地五位就坐埋邊最入嘅枱，好闊落。旁邊坐兩個女仔，心諗兩個人都食到私房菜？事後先知原來佢地嘅餐牌選擇係2人起，人多食又得，人少食都歡迎；而且未有好似我地咁預先選定菜式，亦都可以單點按每個餸收費。我地 (5人份) 當日就食左9款菜，有海鮮、湯、魚、肉、菜、水果，每位四百三十蚊左右，相當豐富。香芒沙律大蝦球 新鮮沙律菜、配大量切粒生果，再加五份蝦球，蝦一食就知係新鮮，因為非常彈牙；炸粉薄薄一層完全唔油膩。蔬果當然都係合格有餘，全部用鮮果非罐頭野，作為頭盤係唔錯嘅菜式略嫌切得有少少太細粒，變相有啲難「畢」黎食。什菌大蜆豆腐湯豆腐湯都好足料，用上好大蜆，爽口冇沙！豆腐都相當滑溜~碗仔都裝到七碗多啲
預約位置後，餐廳會以whatsapp跟食客溝通，會先了解客人有冇咩特別菜式要求，根據客人口味、預算設計菜單，按人頭收費。我地早兩日已經收到餐廳回覆相關菜式，基本上都好滿意，冇作修改
餐廳就喺敬運工業大廈，唔難搵嘅，地鐵站一出見到馬會直行右轉就係。
一共有六張大枱，空間感足，裝潢簡單，以木枱木凳為主。當日我地五位就坐埋邊最入嘅枱，好闊落。
旁邊坐兩個女仔，心諗兩個人都食到私房菜？事後先知原來佢地嘅餐牌選擇係2人起，人多食又得，人少食都歡迎；而且未有好似我地咁預先選定菜式，亦都可以單點按每個餸收費。
我地 (5人份) 當日就食左9款菜，有海鮮、湯、魚、肉、菜、水果，每位四百三十蚊左右，相當豐富。
香芒沙律大蝦球
新鮮沙律菜、配大量切粒生果，再加五份蝦球，蝦一食就知係新鮮，因為非常彈牙；炸粉薄薄一層完全唔油膩。
蔬果當然都係合格有餘，全部用鮮果非罐頭野，作為頭盤係唔錯嘅菜式略嫌切得有少少太細粒，變相有啲難「畢」黎食。
香芒沙律大蝦球
24 views
0 likes
0 comments
香芒沙律大蝦球
28 views
1 likes
0 comments
什菌大蜆豆腐湯
豆腐湯都好足料，用上好大蜆，爽口冇沙！豆腐都相當滑溜~碗仔都裝到七碗多啲，夠哂
一配般飲呢個湯都會加有芥菜，餐廳就選用什菌，都唔會搶風頭。不過調味重手左，稍為蓋過蜆肉嘅鮮味。
什菌大蜆豆腐湯
32 views
0 likes
0 comments
什菌大蜆豆腐湯
28 views
0 likes
0 comments
胡椒炒大肉蟹 (可選花雕雞油蛋白蒸/避風塘炒/薑蔥炒/胡椒炒/四川香辣炒)
大肉蟹有多種煮法，即場選擇，我地揀左胡椒炒，平時較少食，好味呀
胡椒味道好香濃，帶好微辣；而且肉蟹非常新鮮，好好肉地，肉質爽口彈牙，入哂味，好正！
有機會再約朋友黎，要加碼，因為個個都鐘意食蟹~
胡椒炒大肉蟹
40 views
0 likes
0 comments
胡椒炒大肉蟹
29 views
0 likes
0 comments
菊子魚 (東星斑12両)
做法好特別，類似食上海野嘅松子魚，將魚起肉，炸完配上柚子醬汁，我地就未試過咁食。
對於小朋友或者怕吐骨嘅我黎講，呢個係幾唔錯嘅選擇，因為起哂肉，食落啖啖肉，而且配上柚子醬，酸酸甜甜，好清新！
連旁邊嘅魚骨都炸到脆一脆
菊子魚
31 views
0 likes
0 comments
不過朋友係鐘意食魚，就覺得柚子醬味道突出，變相食唔到魚鮮味，鐘意蒸魚定炸魚，各有喜好。
菊子魚
28 views
0 likes
0 comments
金絲翡翠鳳尾蝦
用上金勾翅、金華火腿絲、鮮蝦製成，賣相好精緻！
金絲翡翠鳳尾蝦
29 views
0 likes
0 comments
翅、金華火腿主要令道菜感覺高級啲，份量就唔係話好多。我地一致認為呢度嘅海鮮真係幾新鮮，蝦、蟹、蜆都正。
肉質彈牙，雖然唔會話好驚喜，都屬中上水平。
金絲翡翠鳳尾蝦
31 views
0 likes
0 comments
士多啤梨骨
以前都喺其他餐廳都食過呢道菜，呢度嘅士多啤梨醬唔係好清甜嗰種，反而係比較濃，稠身得黎偏甜。
肉排大大舊，肥肉比例較多，而且煮得有點韌，唔係好咬到。
士多啤梨骨
32 views
0 likes
0 comments
士多啤梨骨
30 views
0 likes
0 comments
上湯竹笙浸時蔬
大魚大肉之後黎個清清地嘅上湯浸白菜仔啱哂~白菜仔唔會煮得過腍，竹笙又爽口！
上湯完全唔會鹹，我同男朋友都鐘意呢味~
上湯竹笙浸時蔬
33 views
0 likes
0 comments
招牌御膳炒飯
用上牛柳粒、帶子、蝦肉炒過，我自己覺得炒飯幾有驚喜，飯粒分明，調味適中，唔會太多蠔油鹹到死。
牛柳粒切到好細好細炒，雖然都食到有牛味，但唔夠過癮；帶子、蝦肉一貫水準，爽口！作為最後一味主菜，食個炒飯，包保飽肚。
如果唔喜歡炒飯，我見隔離枱食炒麵，賣相唔唔錯。
招牌御膳炒飯
30 views
0 likes
0 comments
菠蘿鳥
菠蘿鳥其實就係生果盤，就算佢係生果盤，都係幾有心思嘅果盤 (笑)
將新鮮菠蘿挖空，配上一隻鸚鵡造型，賣相都幾吸引啦
菠蘿、奇異果、青提、士多啤梨、梨全部都係好新鮮，特別係菠蘿，雪到好凍，作為飯後果，相當滿足。
菠蘿鳥
44 views
0 likes
0 comments
菠蘿鳥
57 views
0 likes
0 comments
like餐廳fb,share相就有汽水，唔係唔like呀。
總括黎講，每人四百零蚊就食到咁多款式嘅野食，都幾抵食呀。
私房菜同其他中菜館唔同，慢慢食冇人催，食嘅野精緻啲，菜式特別啲，亦都唔會好似食圍餐咁，嘭嘭聲上菜、扒飯，催催貢。
環境方面一般唔會太大，每晚招呼嘅客人唔會多，廚師更加集中專注煮當晚嘅餸菜。
今次連茶位費$2/位，埋單$2190，捧住個肚走架！
Post
