Video
Read full review
2018-12-02
640 views
週一晚黎到西菁街搵食🥢 係士林麵附近望過網球場，隱若見到發光招牌寫住尚牛🐂 行過望到係食牛定食既小店試試業中🤟 決定比個餐紙搓一搓😁小店位唔多，十零過，啱啱開咗一週多啲，客人未算多🙂 舖頭坐得還算舒服，燈光用柔和黃色，無乜特別裝飾，又係一份簡潔🙆♂️定食其實得四款，但我就係愛啲餐廳簡簡單單😏 比一百個款你，最後你咪又係食一款🤣揀左A5黑毛和牛🐂同安格斯雪花牛🐃，一個有炸一個無😎 無炸既好快上到枱，服務員點著爐頭，記住要燒熱先好落牛，免心急😤 然後就係overcook/cooking mama/美女廚房/hell s kitchen（請刪去不適用者）時間雪花牛切得唔算太薄，要稍稍多燒陣黎鎖住肉汁，燒牛既秘訣一字記之曰：只反一轉，而想保持鮮嫩唔韌，時間亦唔好太長 （我話既😎）而黑毛和牛厚切少少，同埋有層炸醬係面，要燒耐啲，少燶留邊，香口得黎牛香又層層出（識食要食炸😏）同牛上枱仲有溏心蛋🐣，沙律菜🥦，一碗靚仔🍚 碗飯食落，真係好似阿寶new type上身閃一下，小弟脷根有限，請教老細先知原來暗藏玄機（唔駛留言小篇告訴你😇）入面有薑、蒜、柑桔（好似係，聽書聽唔晒、蜜糖，飯唔似平時珍珠米太黏，亦
小店位唔多，十零過，啱啱開咗一週多啲，客人未算多🙂 舖頭坐得還算舒服，燈光用柔和黃色，無乜特別裝飾，又係一份簡潔🙆♂️
定食其實得四款，但我就係愛啲餐廳簡簡單單😏 比一百個款你，最後你咪又係食一款🤣
揀左A5黑毛和牛🐂同安格斯雪花牛🐃，一個有炸一個無😎 無炸既好快上到枱，服務員點著爐頭，記住要燒熱先好落牛，免心急😤 然後就係overcook/cooking mama/美女廚房/hell s kitchen（請刪去不適用者）時間
雪花牛切得唔算太薄，要稍稍多燒陣黎鎖住肉汁，燒牛既秘訣一字記之曰：只反一轉，而想保持鮮嫩唔韌，時間亦唔好太長 （我話既😎）而黑毛和牛厚切少少，同埋有層炸醬係面，要燒耐啲，少燶留邊，香口得黎牛香又層層出（識食要食炸😏）
A5和牛吉列定食
56 views
0 likes
0 comments
同牛上枱仲有溏心蛋🐣，沙律菜🥦，一碗靚仔🍚 碗飯食落，真係好似阿寶new type上身閃一下，小弟脷根有限，請教老細先知原來暗藏玄機（唔駛留言小篇告訴你😇）入面有薑、蒜、柑桔（好似係，聽書聽唔晒、蜜糖，飯唔似平時珍珠米太黏，亦唔太鬆散，加上混咗韓國紫菜，爽口度加，以上配料加埋豉油，係添飯既節奏哦，波特😍😍😍飯本身已經不得了，加埋燒後既牛油同混埋牛肉一齊食，試過就知靈😁😁
飯後甜品（唔係執咗既泛后）有抹茶布甸同焙茶布甸，聞說係隱藏老闆娘整既💓💓 抹茶產品，未算太出，但焙茶有炭烤味同茶味，小清爽，清走牛油沉厚咬著力，謹記要食👏
布甸
73 views
0 likes
0 comments
新店未有好多人，同老闆傾咗陣，元朗租金太可怕，開係呢啲隱世位，可以壓力少啲，佢亦都無打算做啲online marketing, 估計短期內未必有太長龍，同區類似既backstreet kitchen經常長龍，小弟認為兩舖各有千秋🤗🤗尚牛有得食，唔駛排，要去一試👍👍
Post
