Video
Read full review
2010-08-08
94 views
估唔到原來商場入面有間酒樓，lunch 無咩人，枱密度唔算高，算坐得幾舒服，靜靜地最鍾意，唔會太嘈又有電視睇，出品味道大眾化，價錢合理 ~白烚菜心，都好新鮮，烚得剛好又鮮嫩，無煮過時間，點淡豉油食，清清地，good。百花釀魚肚，但完全唔覺有釀既動作喎，只係兩舊墨魚丸放係啲魚肚上面囉。墨魚魚彈牙味鮮，幾好食。魚肚偏硬身但口感爽，唔夠腍同棉滑。總括黎講清清地都唔錯。炆茄子，如果可以再炆腍啲更好，使到茄子肉完全軟化最好食，加左啲木魚同豉油調味，味道可以啦。香芋春卷，一向我都唔食芋頭，初時食唔出係芋泥，味淡，無咩香味，所以食唔出。餡料九成係芋泥，食唔到特別有其他配料，食到有啲肉碎囉，點啲喼汁同吃，酸酸地又炸得香脆，味道無咩特別，可以啦。蟹籽燒賣，都算做得唔錯，豬肉蝦同肥豬肉比例都掌握得到，都唔會有肥膩感，肉香蝦爽，口感有啲散，無蟹籽味，都算合格。四寶雞札，用上雞柳、魚肚、冬菇及火腿，大路滿意，魚肚夠腍又棉滑，索晒啲精華，好味。乾冬菇大件味鮮又濃且爽口，好食。腐竹皮有啲乾，放左一段時間，可以再做好啲。荷葉飯，食唔到荷香味，飯好濕，豉油味蓋過所有味道，太濃。炒得唔香又唔均勻，又無咩配料，味道好寡，
白烚菜心，都好新鮮，烚得剛好又鮮嫩，無煮過時間，點淡豉油食，清清地，good。
百花釀魚肚，但完全唔覺有釀既動作喎，只係兩舊墨魚丸放係啲魚肚上面囉。墨魚魚彈牙味鮮，幾好食。魚肚偏硬身但口感爽，唔夠腍同棉滑。總括黎講清清地都唔錯。
炆茄子，如果可以再炆腍啲更好，使到茄子肉完全軟化最好食，加左啲木魚同豉油調味，味道可以啦。
香芋春卷，一向我都唔食芋頭，初時食唔出係芋泥，味淡，無咩香味，所以食唔出。餡料九成係芋泥，食唔到特別有其他配料，食到有啲肉碎囉，點啲喼汁同吃，酸酸地又炸得香脆，味道無咩特別，可以啦。
蟹籽燒賣，都算做得唔錯，豬肉蝦同肥豬肉比例都掌握得到，都唔會有肥膩感，肉香蝦爽，口感有啲散，無蟹籽味，都算合格。
四寶雞札，用上雞柳、魚肚、冬菇及火腿，大路滿意，魚肚夠腍又棉滑，索晒啲精華，好味。乾冬菇大件味鮮又濃且爽口，好食。腐竹皮有啲乾，放左一段時間，可以再做好啲。
荷葉飯，食唔到荷香味，飯好濕，豉油味蓋過所有味道，太濃。炒得唔香又唔均勻，又無咩配料，味道好寡，似齋豉油炒飯，試左兩啖已唔多想食。放入荷葉前必須炒得比平時更乾身、花更多時間，因蒸既時候會吸收大量水份，蒸得太耐的話，飯又過濕、腍劈劈；蒸得時間短，又無荷葉清香味。
Post
