2 Soon Cafe

Open Now

Now Closed

呢間靚靚cafe餐廳，我久唔久都會同老公來sweet下。餐廳仲會定期keep轉新的菜單，咁就唔怕食到悶啦！紅酒燴牛臉頰伴忌廉薯蓉$198👉🏻估唔到竟然可以煮到咁軟綿綿，因為面頰部位冇乜脂肪，一下唔覺意就會鞋咗，個口感係軟綿綿之中，keep到少少彈性，真係好鬼正！忌廉薯蓉又勁滑喎，呢個菜式真係一百分！黑松露芝士雜菌忌廉通粉$128👉🏻基本上黑松露配搭芝士加埋雜菌，呢個組合基本上冇得輸！無論配通粉定意粉都一樣咁好食🤣而且呢度個忌廉幾滑，黑松露味道唔會太誇張。蒜片欖油大蝦配酸種麵包$98👉🏻 配酸種麵包係幾有特色嘅，大蝦亦都非常彈牙，如果蒜蓉味再濃啲就更加好。梅子檸香酒浸蜆$108👉🏻意想不到是冷盤，然後每隻蜆都可以充分地感受到酒香，加上蜆肉十分飽滿，吃起來有一股清甜，然後最估唔到係酒意頗濃，吃飯吃到一半有點上頭，哈。refreshing passion$68 👉🏻主要係熱情果和芒果的Mixture，酸酸甜甜，開胃醒胃。