初鮨 (Closed)

放假前兩日滿心歡喜睇吓周圍有冇omakase食，難得見呢一間兩日前仲book到諗住都去試吓。嗰日係平日我食12點嘅時段，去到見到吧枱都坐滿人，但係非吧枱嘅就仲有幾張空位。我自己就坐非吧枱。兩個人一個叫咗280 ，一個叫咗380個set，兩個set 黎到個女侍應好似背書咁用唔鹹唔淡嘅廣東話背出壽司嘅名稱，但係魚嘅特性完全冇介紹，背嘅中途甚至唔記得要返去問魚嘅名稱，呢度已經減咗分。去到食物部份，所有壽司嘅味道都好麻麻，$380嗰個set有一件海膽，但完全唔新鮮的，其他所謂灸燒過嘅魚生，全部都差唔多味感覺似係好食過元氣少少。另外$280嗰個set所有食物都亦好麻麻。求其一間出邊$200樓下食嘅lunch壽司set都好食過佢。食完之後嗰日甚至腸胃有啲唔係咁舒服，之前食過幾間omakase都無呢個情況出現。到最後終於明白點解兩日前都仲可以book到位，同埋非吧枱既都仲有空位。 完全係貼錢買難受，希望唔會有人再中伏。