Video
Read full review
2011-04-09
116 views
我本身唔係一個愛食糖嘅人，細個果陣有無得食都係隨緣，不過外型特別，色彩繽紛的話，總會令我忍唔住口。記得一個多月前，曾在食友Taiwan Walker部落格上讀過關於Papabubble嘅介紹文章，一直都想有機會嘗試一下，今日經過大坑為等咖啡小店開門，心血來潮下決定到Papabubble走一趟...如果大家慣於由天后果邊入大坑搵食的話，Papabubble就要沿著銅鑼灣道行到最入，差不多去到巴士總站，才會在車房旁邊發現呢間唔多起眼嘅糖果店。呢間自來西班牙嘅糖果店原來大有來頭，亞洲區亦有五間分店咁多，而且記憶中在香港嘅電視節目中曾介紹過添！呢度全部糖果都係在店內手造而成，糖果款式主要係枕頭型糖同埋果汁味嘅硬身糖Rock，另外亦有外型特別嘅波板糖出售，更接受顧客自行設計糖果款式，用作送禮或婚宴之用的確唔錯，大家可以向店員查詢一下。踏入店子就見到有幾位年青師傅努力在製作糖果，笑容滿面嘅糖果姐姐請我試食左一粒果汁糖後，發覺甜度非常溫和，而且有濃厚香味，非常吸引，於是決定在琳瑯滿目嘅糖果架上找尋心頭好...糖果架上Rock款式極多，經過一輪細選後，決定買一包Fruit Mix Rock($48/6
如果大家慣於由天后果邊入大坑搵食的話，Papabubble就要沿著銅鑼灣道行到最入，差不多去到巴士總站，才會在車房旁邊發現呢間唔多起眼嘅糖果店。呢間自來西班牙嘅糖果店原來大有來頭，亞洲區亦有五間分店咁多，而且記憶中在香港嘅電視節目中曾介紹過添！呢度全部糖果都係在店內手造而成，糖果款式主要係枕頭型糖同埋果汁味嘅硬身糖Rock，另外亦有外型特別嘅波板糖出售，更接受顧客自行設計糖果款式，用作送禮或婚宴之用的確唔錯，大家可以向店員查詢一下。
踏入店子就見到有幾位年青師傅努力在製作糖果，笑容滿面嘅糖果姐姐請我試食左一粒果汁糖後，發覺甜度非常溫和，而且有濃厚香味，非常吸引，於是決定在琳瑯滿目嘅糖果架上找尋心頭好...
糖果架上Rock款式極多，經過一輪細選後，決定買一包Fruit Mix Rock($48/60gram)，如果大家想買多啲的話，亦可以選購樽裝($128)。我選擇Fruit Mix Rock嘅原因係貪佢咩味都有，可以逐款口味慢慢品嚐，先試食左西瓜，菠蘿，香蕉味，味道酸酸甜甜，相當唔錯！雖然價錢唔算便宣，但店子有心思有誠意，值得支持！Post
