Video
Read full review
2017-08-06
1178 views
今日去佳記食飯,純粹係為咗佢個湯.最鐘意飲中湯,尤其係老火湯或者係比較無咁大路既湯.今日既中湯係雙瓜黃豆煲唐排,仲唔衝入去咩.一個人通常唔使等位,直入坐低,確定有中湯先再叫餐.點完餐個湯就即刻到,雙瓜當然係勝瓜同涼瓜.我諗勝瓜好難煲,今次同大部分經驗一樣,皮嚡而已多渣,可能已經出晒味,勝瓜本身好淡.涼瓜份量好少,煲到完全冧晒而且出味.湯就甘甘甜甜,唔知肉定係瓜唔夠,硬係煲唔出果種濃味.肉係有少少既,唔敢話係咪唐排,但說好的黃豆好似唔見影咁喎.因為太期待,最重要既湯竟然無映低.失策!梅子蒸雞飯都跟著到,驟眼睇起嚟有好多件雞,但其實有一部份係豆卜,因為淋完汁變晒一樣色,唔留心睇會覺得俾成半碟雞你食好筍咁.雞有啲嚡,味道唔重唯有點多啲汁搭夠.另外其實雞同豆卜下面有好多菜芯,係冧咗啲既,份量比一般茶仔多架.汁就杰過頭,反而有少少似醬,而且唔夠酸.因為個汁杰得嚟又淡,口感就會好奇怪.伙記送餐時只會記枱號,送到埋嚟會問邊個係乜餐.今次佢行到埋來問咗幾次邊個係girl,初時無人應,我望下餐牌記起我叫左G餐喎,即刻認頭啦,俾佢瞄一瞄,我點知你講個girl係我啫,下次不如你問邊個係google啦.
梅子蒸雞飯
62 views
0 likes
0 comments
梅子蒸雞飯都跟著到,驟眼睇起嚟有好多件雞,但其實有一部份係豆卜,因為淋完汁變晒一樣色,唔留心睇會覺得俾成半碟雞你食好筍咁.雞有啲嚡,味道唔重唯有點多啲汁搭夠.另外其實雞同豆卜下面有好多菜芯,係冧咗啲既,份量比一般茶仔多架.汁就杰過頭,反而有少少似醬,而且唔夠酸.因為個汁杰得嚟又淡,口感就會好奇怪.
伙記送餐時只會記枱號,送到埋嚟會問邊個係乜餐.今次佢行到埋來問咗幾次邊個係girl,初時無人應,我望下餐牌記起我叫左G餐喎,即刻認頭啦,俾佢瞄一瞄,我點知你講個girl係我啫,下次不如你問邊個係google啦.
Post
