佳記粉麵茶餐廳

Open Now

Now Closed

西炒飯應該鹹酸夾雜，但係呢碟炒飯明顯冇落鹽/或者唔夠，用嘅茄汁亦係偏甜，所以呢個西炒飯偏甜。料少亦無鑊氣，落枱時溫度已經唔係好熱，似茄汁撈飯而已。個人認為此西炒飯不合格，唔好食👎🏻

喺上環附近食飯 依間佳記茶餐廳真係十分之有水準同價錢平民 每日中午款式也不同見 是日有福建炒飯 炒飯乾身配埋個汁 加杯凍飲同例湯都係收你$50左右 宜家糸上環都算系咁上下了 依間真心推介可以去試

上環區美食好多，等我一間一間食過去啦，今日返工之前，就嚟個茶餐廳快靚正早餐先！今日嚟到呢間佳記粉面茶餐廳，見到佢嘅門面裝修，已經知道有返咁上下歷史。老細好熱情，我一坐低，佢就即刻攞啲滾水，叫我可以攞嚟洗餐具，叫我慢慢睇餐牌唔使急😊佢嘅早餐真係好抵食，一個套餐，有牛油方包、煎太陽蛋、餐肉、火腿通粉、一杯熱飲🌟火腿～份量好夠，通粉～亦都好多，淨係呢碗我已經飽左大半😆，而佢嘅湯底唔會好味精，睇得出係有煲過嘅豬骨湯🌟餐肉～非常之厚，大約目測有1.5 cm😆😆，正！🌟煎蛋～我就略嫌佢煎得熟咗少少，以太陽蛋嘅標準來講，應該要半生熟，先至係最好食，下次要提一提先Anyway以$28 一個早晨套餐來講，性價比真是10分高！👍抵

佳記粉麵，果日行過上環 just walk in and see，嘗試入去食吓午飯，見lunch 價錢唔太貴仲有野飲，又有點thirsty，入之前都覺地方唔乾淨，but i dont care if they re clean or not, 食平d 食過lunch 都ok la, but ..... 咁都中埋伏了！d粉入口好粗，質地好差，食物好似未解凍，外hot 內cold.... 係平但性價比仍低 ....差成咁，己經一心食平野，準則己低，都中伏 ......... 我想應該無下次

上朝早堂真係好辛苦㗎！好彩阿sir好人放break，我同兩個frd即刻沖出去食返個早餐充充電先。今次食呢間佳記粉麵茶餐廳。我叫沙嗲牛雞扒麵，熱華田。因為真係勁肚餓，所以叫晒全肉，冇叫菜……果然早餐麵係一定要有沙嗲牛肉。我比7分呢個餐，衰就衰在用出前一丁，我個人唔太鍾意出前一丁。我啲frd就叫沙嗲牛豬扒麵，熱奶茶；10分滿分比9分。仲一個就食西式定食早餐：煎豬扒火腿煎蛋，凍好立克。佢話要沖一杯好飲嘅好立克係難的，因為好立克粉最難溶，但係佢話今次好滿意，成個餐10分滿分比8分。

其實我都好少寫食評!!但近排在上環工作!!試過這間茶餐廳,對比附近的茶餐廳, 這間佳記確實唔錯!!聽朋友講他之前在上環工作經常跟一大班同事到佳記食飯!!食物低食大件!說在這區已經很出名!!於昰我就去試試!!我打電話落單10-15分鐘左右後去拿!!去到就已經有了!!唔駛去度又要等!!都OK!!當然我都講左幾點去拿!!是日午餐有我喜歡的福建炒飯!!我叫了一個!!要個例湯!! (聽朋友說它的例湯是沒有味精的)  所以我都想試下!!平時我都少湯水飲!!外賣只需$35 比堂食$40 還要平$5,  這個價錢真係要去試下!!試個同區咁多間都比較少見!!品嘗個之後!!用料雖然不是上等!!$35想點呀!!但好大份!!而味度都唔錯!!個湯是<霸王花煲唐排>飲完都唔口渴!!唔覺有味精!!味度都OK!!總括, 可以之後再去食!!

今日去佳記食飯,純粹係為咗佢個湯.最鐘意飲中湯,尤其係老火湯或者係比較無咁大路既湯.今日既中湯係雙瓜黃豆煲唐排,仲唔衝入去咩.一個人通常唔使等位,直入坐低,確定有中湯先再叫餐.點完餐個湯就即刻到,雙瓜當然係勝瓜同涼瓜.我諗勝瓜好難煲,今次同大部分經驗一樣,皮嚡而已多渣,可能已經出晒味,勝瓜本身好淡.涼瓜份量好少,煲到完全冧晒而且出味.湯就甘甘甜甜,唔知肉定係瓜唔夠,硬係煲唔出果種濃味.肉係有少少既,唔敢話係咪唐排,但說好的黃豆好似唔見影咁喎.因為太期待,最重要既湯竟然無映低.失策!梅子蒸雞飯都跟著到,驟眼睇起嚟有好多件雞,但其實有一部份係豆卜,因為淋完汁變晒一樣色,唔留心睇會覺得俾成半碟雞你食好筍咁.雞有啲嚡,味道唔重唯有點多啲汁搭夠.另外其實雞同豆卜下面有好多菜芯,係冧咗啲既,份量比一般茶仔多架.汁就杰過頭,反而有少少似醬,而且唔夠酸.因為個汁杰得嚟又淡,口感就會好奇怪.伙記送餐時只會記枱號,送到埋嚟會問邊個係乜餐.今次佢行到埋來問咗幾次邊個係girl,初時無人應,我望下餐牌記起我叫左G餐喎,即刻認頭啦,俾佢瞄一瞄,我點知你講個girl係我啫,下次不如你問邊個係google啦.

話說同事最近都迷上左Pokemon Go，不約而同咁話想Lunch行遠少少食，就係為左睇下捉唔捉到多兩隻小精靈因此我地今日Lunch就去左上環既佳記 我同另外幾個同事都睇中左鮑魚雞粒炒飯，一黎到果然冇令我地失望，鮑魚同雞粒個份量同個飯既份量好好，唔會太多飯但冇餸 同事就叫左皮蛋肉片湯飯，黎到都好吸引，都係好多餸，不過個人就唔係湯飯既粉絲所以冇叫到佢 總括而言，$38仲要包埋熱飲簡直就係中上環打工仔Lunch抵食既選擇

蒸雞肉飯雞肉很嫩，處理得是脫骨的，也沒有什麼雞餿味，可以想像是用小量生粉，糖和料酒醃過的。肉的份量很大可惜菜就少了些，只有幾片杏鮑菇還有半顆香菇。如果多幾片香菇再加點枸杞相信會更好（不過會不會有人是不吃枸杞的？）飯量也好多，就算我很大食了還是吃不完，建議一般女生點少飯就好。吃飯途中發生小插曲，食客和店員差點吵起來。坦白說香港茶餐廳店員態度確實有待改進。

上環好多舖頭傍晚就會收工，五點幾要搵野食都幾麻煩。今次入左佳記，食下午茶。叫左個雞脾出前一丁，好既係出前一丁落埋粉同麻油，比起好多清湯既好味，而雞脾都幾入味，但老左啲，啲肉有少少鞋，整體尼講幾抵食，不過味道，一般啦，算係有誠意。

今早又試新嘢，上環《佳記粉麵茶餐廳》早餐，火腿通併餐肉煎蛋加多士配凍檸茶。多士金黃色，香脆可口；火腿通有好多菜襯托，感覺健康；但餐肉煎蛋卻令人失望，蛋完全熟兼無蛋香，餐肉煎未香未乾身，偏油。凍檸茶中規中矩啦，埋單$26。

平日趕時間返工，大多數不太可能在上環吃早餐，有時工作需要在家附近辦事，時問較從動，有時候會來佳記食客早餐，不用加錢即食麵已是用成本較高的丁仔麵，所以在鄰近的茶餐廳中，平日佳記比較多人幫襯，因為提供的選擇床比較多，定價也鮫親民。煎雞扒麵煎過的雞扒表面較香口，還會搭幾條時菜，加上成本較高的丁仔麵，抵食！ ]雪菜肉絲麵從雪菜的顏色以至肉絲的外表，看似不是埰用外表較頹，顏色偏啞黑色的罐頭雪菜來做，味道當然比較好點。 鴛走佳記的咖啡是蒸溜咖啡，不是用即溶咖啡粉沖的，喝完後在杯上可看見些Crema，所以我在佳記很多時都喝杯咖啡，或者喝今天的鴛走，因為咖啡味香濃，壓住稍淡的茶香味。 雖然它的奶茶巳比一般茶記平均的茶香味濃，但還是以咖啡最正。佳記是中上環區內性價比較高的茶餐廳。

因為本身野食係極好味，所以幾乎日日都黎買午飯買左一個瓜粒鴨腿飯，叫“走青”，老闆娘聽錯 ”走蔥“， d元芫茜仲係度我話我要 “走青”，咩都吾要老闆聽完就話 ”甘下次就話走青，吾好話走蔥啦“最後連瓜粒都幫我走埋，真係識做生意！無下次喇吾該曬！

咖哩牛腩飯幾好味! 唔太辣但好夠味牛腩好冧,個汁有d草菇仔! 可惜無薯仔! 美中不足!熱好立克都好足料! 平時d野飲淡到好似水, 呢間就唔會!不過服務態度就差d! 我問老闆拿單, 個老闆娘就串我 "下? 咩單呀? 收據呀嘛?"d 語氣可以好返回少少.....

下午茶豉油皇雞中翼配炸薯條$20, 雞中翼中肥入味, 起碼雞中翼Size合比例, 點解這樣說: 我在上環電車站對面餐廳好XX, 食同樣的東西, 品質和價錢差距好大, 好XX的雞中翼又緲少. 檸茶個茶底無茶味的>-<