紅軒

Open Now

Now Closed

又到我出發放鬆嘅日子，上機前約埋團友到紅軒🥢🥢🥢食食食，餐廳門口有部特別茶葉車仔裏面有成17款茶葉包括有：荔枝紅茶、玫瑰花、荷葉、檸檬香茅等等，我地點咗荔枝紅茶，雖然貴少少，但係不妨一試🫖，食物點咗雙醉（醉雞及醉乳鴿），遇啱團友鍾意有關酒嘅食物咁就最好不過了，醉雞味道不錯雞肉嫩滑唔「鞋」，醉鴿比雞更嫩（應該係BB 乳鴿及師傅功功夫到家）、七味脆豆腐（少辣脆口）、蜂巢芋角（鬆化無比）、蒜片炒菜心（惹味程度難抗拒）+ 福建炒飯（配料+汁剛剛好）、雞樅菌炒素丁（味道好特別、食素人仕必選），食完侍應介紹有每日免費甜品，點了紅豆沙有陳皮味及蓮子實在妙極妙極，結賬是亦有推薦做會員（免費）跟信用卡💳折扣一樣，我地梗係順道做埋會員啦，等一個星期後落機再黎食埋晚餐😜😜