URBAN Cafe (彌敦道)

Open Now

Now Closed

呢間餐廳真係長期滿座，大家記得預約。而基於衛生問題，餐廳門口會有部穿鞋袋機，要着左先可以入去。一開門後，會有啲貓貓想出黎🙀大家開門要注意啦！然後店員安排左我地坐係一堆曬緊太陽既貓貓枱旁邊😽搞到我地遲遲都未睇食咩好。餐牌上款款都好似好好味咁，價錢都好合理。每份套餐都包左沙律同$38既飲品(超過就俾補差價)。我地另加左$8配餐湯，是日餐湯係粟米南瓜湯，呢個已經好驚喜！加左好足料嘅南瓜蓉，甜甜地好creamy😻好好飲啊！紐西蘭牛肉眼扒 $89我地揀左配黑松露燒汁配薯菜，塊肉眼扒都幾大份㗎！我中意個汁，味道幾香幾特別，黑松露味道係口腔徘徊，仲有我中意既脆口薯角呢！挪威煙三文魚班尼迪拼盤 $68呢個好抵食啊，又有埋粗薯角同田園沙津。切一半後，連cheese一啖食真係好正，最推薦食！好滿足👍🏻抹茶心太軟配雪糕比利是窩夫配雪糕 各$58兩款都即叫即焗，小簡單擺設，個心太軟整得唔錯，味道又唔會太甜，不過份量得兩三啖，想食多啖都無😹如果大份啲就完美了。芒果薄荷冰沙 拖肥拿鐵（不含咖啡成份）飲品叫左個芒果薄荷冰沙，飲落去芒果味同薄荷味嘗淺，略嫌無加到粒粒果肉，如果有的話，口感味道會更豐富。