皇冠冰室 (Closed)

成日都去旺角行街，周邊嘅野食都係咁上下，冇咩新意，行過見到間冰室，見價錢都唔太貴，咁就試下啦。好快就安排到位置比我地，但係二人枱就比較迫咁，坐得唔太舒服。落單嘅時候，職員態度都幾差，同埋職員好似新黎咁，問我雜扒要幾成熟😂卡邦尼海蝦意粉 $68食落味道都幾好，蝦都大隻同有3隻，意粉口感都唔錯，但係食到中段見到個碟底多油到癲左，係跨張地多油。感覺勁差。鐵板美式珍寶雜扒 $88雜扒份量都幾多，我揀左黑椒汁跟薯菜，野食都算唔錯，入面有雞有豬有蛋，而且都好夠飽，而且薯菜唔係薯條而係薯角，真係好大份。奶油墨西哥包 $10呢個包係成餐飯最有驚喜，個包好好食，仲有啲流心奶黃，個包真係好邪惡仲要只係$10超抵食。整體黎講，餐應環境比較迫，如果兩個人叫多小小野食張枱都唔夠放，而且職員態度都好差，但野食都唔錯嘅，雖然意粉好多油，但係味道都真係唔錯嘅，鐵板扒同包就好好食。