二鍋頭 (嘉芙中心)

Open Now

Now Closed

朋友剛從外地回來，咁耐無見實有好多嘢傾，3小時放題就啱啱好，今日嚟到尖沙咀嘉芙中心嘅二鍋頭，佢有唔同嘅套餐，響店長介紹下，朋友揀咗烤魚套餐，我本身比較怕腥，但呢條清江魚唔腥之餘，仲要無咩骨，肉質緊致，經過煎炸調味，連魚皮都好好食。二鍋頭嘅牛尾煲上枱時，有店員倒酒烹煮，睇住啲火將個汁慢慢收乾，有個幾好嘅視覺效果，同聞到好香嘅酒味，呢個煲色香味俱全，鍾意食牛尾嘅要試試。第一次試越式湯底，湯頭濃郁，仲有好清新嘅檸檬香氣，同肥牛好夾😅 呢間二鍋頭嘅水餃雲吞，系自家出品，每日新鮮制作，仲有好多款台式嘅丸，有啲外面未見過，我們每款都拎粒嚟試，幾特別幾好食。店舖依家做緊多重多款優惠，惠顧烤魚加$58可以紅白餐酒放題3個鐘。仲有7小時任食優惠，有興趣可向店長查詢。