蘇山雞飯

Open Now

Now Closed

又係屋企附近搵食，今次揀咗星馬菜，環境親民而且性價比極高。一住低就急不及待叫左一枱食物，逐樣慢慢食。🖤豐盛海南雞飯，足足有半隻雞，一上台就俾雞皮嘅黃油光澤同嫩滑嘅雞肉吸引，配埋3款醬汁，秘製辣醬、薑蓉、黑醬油，其中黑醬油最鮮甜掛汁。最最最重要係雞飯嘅靈魂，油飯。佢俾坊間嘅油飯色澤暗沈深色，原來店員話煮雞時，加入日本花菇、元貝同多種香料調味，當然吾少得加入雞油、斑蘭汁，另個飯多咗重獨特香氣。🩶火焰醬香椰子雞窩，一上台，就倒上一shot白酒係瓦煲邊，再點上火槍，令整個椰子雞煲帶有淡淡酒香，再用熱力慢慢滲入煲內。雞肉肉質爽口彈牙，湯底清甜順滑。🤍叉燒香辣蝦面，用咗極厚初黑豚肉叉燒，配上蝦湯同油面，非常南洋風味，辣度恰到好處，叉燒肉質軟淋入味。🖤沙嗲串燒6枝，都係$54蚊，又係高cp之選。