Dark Leaf Cafe & Lounge

Open Now

Now Closed

朋友帶我去飲嘢，依間 Dark Leaf Cafe 餐廳位於商業大廈但感覺似私竇或私人俱樂部，大門深鎖，安裝又會自動開門，推門即見大酒吧，燈火陰暗，不停播放夢幻時尚音樂，氣氛係唔錯！一人一杯雞尾酒，我的 Jasmine 不及同伴的Blue Cancun 搶鏡，佢話一睇就知道呢杯藍色一定靚，都係佢醒！Jasmine （香莓茉莉）$128，竟然用日本頂級琴酒、配合抹茶及茉莉花，放了些玫瑰花瓣，入口的確很有花香，酒的濃度高高地。Blue Cancun 藍色海灣 $108，伏特加酒、橙酒及菠蘿，味甜及清新。唔會真係淨飲嘢，我哋都會食嘅，諗唔到廚房細細，煮出來的味道都好得。水牛城雞翼 $88，皮酥脆，肉嫩，醬汁少少辣。美國安格斯肉眼牛扒配薯菜 $268，塊牛扒唔錯，煎得啱啱好，完全冇筋，紅酒汁好味。銀鱈魚配香草意粉 $168，意粉黏黏地，被忌廉包圍，濕潤口感好好味，銀鱈魚夠滑有質素。