華輝餐廳 (Closed)

聽講呢度d雞批好出色，甘就真係要試下。呢日十點幾早餐時段黎到，餐廳唔算好擠迫，一條友選左個卡位住低。甘一場黎到，食早餐之餘梗係叫埋雞批。雞批上枱時少少暖，相信如果熱辣辣的話會更正。餐廳俾左個小叉子方便食雞批，但我稔住用手攞起食算，用叉好似好煩甘，點知......一咬落去成個雞批五馬分C甘散左，好在散左的批都只係跌返落隻碟度。證明左佢的雞批真係非常之鬆脆。講返雞批d餡，都幾多雞肉下。而食呢個批，個人認為重點始終係佢個皮，咬落去好鬆果下。黎到呢度，真係不妨食個批。呢度的早餐個人認為都不錯，七份熟流心煎荷包蛋真係幾有誠意，最喜歡食有蛋汁又唔太生的煎蛋，咬落去d蛋汁爆出黎配合滑溜蛋白的味道同口感，真係會令人好有幸福感。麵係大光麵，麵身幾爽，沙爹牛肉大大片，絕不小家子，牛肉唔算好滑，但個沙爹汁唔錯，隱約滲出花生香味。奶茶茶膽唔算好濃，幾香奶味，ok。服務方面都ok，見到好多街坊會打下牙骹甘。