和記廚房

Open Now

Now Closed

行山後特意嚟福來邨街市上層，搵食。其實上層沿途有很多食肆，既然決定哩間就唔轉。柑柚子炸鱔球，係個不錯嘅新嘗試，豉椒煮鱔見得多，酸甜嘅鱔都係第一次，鱔球皮脆滑口。椒鹽九肚魚，冇特別。生炆雞煲蟹煲，同想像嘅有出入，因以為有好多海鮮，原來是要大鍋先係有蝦硯。但湯好鮮鮮甜，蟹一般，湯飲完一碗又一碗。金磚豆腐值得一試，豆腐係用蒸蛋粘炸醬造成嘅，上面放咗幾件炸茄子，配上近似燒汁醬，炸茄子味道更吸引。豉油王炒麵可能期望過大，唔覺特別好食，麵彈牙爽口，我口味上覺得略為多咗一d油。整體生炆雞煲蟹煲值得一試，冬天做鍋底打下邊爐應該好正小菜有鑊氣，款式特別。