Video
Read full review
2021-07-27
64 views
好耐冇食雞煲喇！ 約朋友食飯，本身諗住打邊爐，但又心郁郁想食雞煲，咁就一於先食雞煲，再打邊爐，二合一✌🏼天氣熱，火鍋店常備既自家清熱飲品，一定要嗌啦～ 呢間店嘅自家製飲品一支支膠樽裝，都幾方便，味道唔會太甜，夠晒清熱消暑😁😁我自己就比較鍾意檸檬薏米水，微微嘅檸檬酸味，加埋粒粒薏米，夠晒清涼👍🏼👍🏼坐低咗之後，店員就會拎一鍋滾水出嚟，用作洗碗同餐具，咁嘅安排都幾好，食起上嚟都放心啲。跟住就有調味料，自己拎想要嘅汁醬，重點就梗係佢哋嘅XO醬😎😎正呀，好多瑤柱😎😎夠晒惹味！朋友揀得依間餐廳，咁我都有上OpenRice做吓功課既😆😆 見到唔少人點：風沙椒鹽粟米賣相好吸引！依個粟米，非常值得一試，佢係好香甜，好惹味。本身以為一件件，係已經去咗粟米芯，但原來係有芯架，所以唔好咁盡情一野咬落去😆😆 一排排食，好正，配啤酒一流滋味辣雞鍋，要咗小辣，我覺得啱啱好，唔會太辣，可以好輕鬆咁享受其他食物。雞嘅份量有半隻，兩至三個人都OK，啲肉都幾入味同幾滑，仲有好多芫荽同埋蒜頭，雞肉同埋蒜頭一齊食，重口味，但口感好正架😁😁自家製紫菜響鈴係即炸架！非常脆，而且中間包左紫菜，如果浸湯食，仲有少少食緊小老闆紫菜嘅感
天氣熱，火鍋店常備既自家清熱飲品，一定要嗌啦～
呢間店嘅自家製飲品一支支膠樽裝，都幾方便，味道唔會太甜，夠晒清熱消暑😁😁我自己就比較鍾意檸檬薏米水，微微嘅檸檬酸味，加埋粒粒薏米，夠晒清涼👍🏼👍🏼
坐低咗之後，店員就會拎一鍋滾水出嚟，用作洗碗同餐具，咁嘅安排都幾好，食起上嚟都放心啲。
跟住就有調味料，自己拎想要嘅汁醬，重點就梗係佢哋嘅XO醬😎😎正呀，好多瑤柱😎😎夠晒惹味！
朋友揀得依間餐廳，咁我都有上OpenRice做吓功課既😆😆 見到唔少人點：風沙椒鹽粟米
賣相好吸引！
依個粟米，非常值得一試，佢係好香甜，好惹味。本身以為一件件，係已經去咗粟米芯，但原來係有芯架，所以唔好咁盡情一野咬落去😆😆 一排排食，好正，配啤酒一流
滋味辣雞鍋，
要咗小辣，我覺得啱啱好，唔會太辣，可以好輕鬆咁享受其他食物。雞嘅份量有半隻，兩至三個人都OK，啲肉都幾入味同幾滑，仲有好多芫荽同埋蒜頭，雞肉同埋蒜頭一齊食，重口味，但口感好正架😁😁
自家製紫菜響鈴
係即炸架！非常脆，而且中間包左紫菜，如果浸湯食，仲有少少食緊小老闆紫菜嘅感覺添～
響鈴size比平時嘅大，更加多層次，更加脆👍🏼👍🏼
新鮮鵝腸，係我最鍾意同最有驚喜嘅食材！真係好新鮮，而且非常乾淨。 配XO醬食，完全帶出到鵝腸嘅鮮甜、爽、美味👍🏼👍🏼
另一個好多人推介嘅日式櫻花牛肉我哋都有叫到✌🏼✌🏼賣相真係好靚，啲牛肉脂肪同肉分明，一片片整齊排列。 我終於有機會試吓生食靚牛，生食口感比較彈牙，而且要咬好耐，牛肉味會慢慢一浸浸滲出黎，都幾鮮甜，幾得意。牛肉咁靚，略略煮一煮，都好好食👍🏼👍🏼
仲試咗佢哋嘅新野，芹菜帶子餃。
自家製真係好有家的感覺，用料十足，粒粒都好飽滿，咬開仲有大大粒帶子☺️☺️yummy☺️☺️
成餐飯都食得幾盡興，連啤酒都飲埋，食左雞煲，又食到超爽甜鵝腸，夠晒麻甩😛😛 超級大卷嘅響鈴、靚靚餃子同高質靚牛又食埋，開心😋😋
Post
