富盈火鍋雞煲專門店 (Closed)

聖誕期間其實成日都係食打邊爐同BBQ，今日啱啱過咗聖誕我同BB就去咗富盈食火鍋加韓式烤肉放題，其實真心勁抵每人只係$188 ，就一次過可以食兩款嘢食，講真其實都幾忙架，一嚟到侍應就會問你係咪食雞煲啊，梗係食雞煲啦係咪先，就帶咗個BB辣雞煲，兩個人佢都比差唔多成半隻雞，個雞煲真係好好味，本身我哋想再加雞嘅，但係要留肚食火鍋同埋韓式燒肉，所以我哋就食完本身嘅雞就直接轉食火鍋啦，佢哋啲火鍋料係整整齊齊咁自助夾既，自己想食幾多就攞幾多，另外仲有一啲小食係熟食嚟嘅，我最推介係佢個泡椒雞腳，小小辣雞腳好爽口，另外仲食咗佢個魚蛋蘿蔔都好好味，其他嘢食都中規中矩，同埋最緊要係佢甜品方面又有雪糕又有一個都幾好味嘅啫喱，個啫喱我未見過嘅仲要係日本牌子，青蘋果味真係好清新唔太甜可以一次食幾個，如果約一班朋友嚟食就更加開心啦。