成都小巷米線雞煲 (和富道) (Closed)

今日去左北角和富中心附近食飯，見到有任食雞煲，百零蚊已經可以任食個半鐘，就入去食飯。店員問我要辣定唔辣，辣係可選擇大、中、小、BB辣或唔辣，我揀左BB辣。呢段時間我就攞嘢飲，有汽水、烏龍茶、啤酒、清涼爽……跟住店員將個雞煲擺喺平面爐上，雞煲都有幾多雞，有雞脾、雞翼、雞尖、雞胸、雞屁股。試過食其他店的雞煲，成煲都係雞脾肉，真係食到口都寡埋。除咗雞件，仲有洋蔥片、蒜頭粒和芫茜。雞肉都算嫩滑，而且好入味，醬汁有啲似沙嗲醬和有啲甜味，都幾好食。但BB辣對我來講都係辣，雖然係辣，但個種麻辣會慢慢係喉嚨出嚟，都可以接受。食完雞煲，就自己加湯，等到湯滾起就打邊爐。用呢個雞煲加湯打邊爐，味道唔錯。加左油麥菜、生菜、冬瓜、南瓜滾滾下都幾入味，南瓜仲好腍甜，冬瓜更加係必食。第一次用魚肉燒賣打邊爐，魚肉燒賣唔會淨係一嚿粉，實實淨帶甜，味道又幾夾喎！貢丸大大粒仲有冬菇粒。啲配料和飲品係自己去自助區攞，而配料和飲品係任食任飲。食雞煲，我覺得飲汽水係最夾呀！📍成都小巷米線雞煲 (和富道) (北角)北角和富道85-86號地舖電話：92677752