東煲西炒 (Closed)

雞煲正常，但唔夠濃味，完全唔過癮，我要自己去配料站拎辣椒莞茜加重口味。食完雞煲加湯打邊爐，yap咗啲阿姐幾廿次轉個頭都係唔記得咗，已經唔expect啲阿姐醒目，但個個好似未訓醒咁，掂行掂過睇唔到舉手，係要叫多幾次到個煲乾曬先出現。加湯後湯底清過清水，隱約浸出單一嘅咸味，咸味來自早段雞煲食剩個啲半乾嘅獲撈，難聽啲講似係屋企洗碗浸住嘅水煲返滾去，正常加啲配菜煲煲佢都會有返啲鮮味，但呢煲係愈食愈唔知自己食梗咩，配菜都唔見得好食，手打蝦丸都仲未解凍。但最surprised嘅係呢間嘢竟然可以滿座，點解？