富盈火鍋雞煲專門店 (Closed)

好耐冇食雞煲，搵到呢間「富盈火鍋雞煲專門店」有得食自家調製雞煲加韓國燒烤，一個價錢，有三種食法（雞煲、邊爐和韓燒），好吸引啊！急不及待試吓先～雞煲自家調味，上枱時雞已預先泡一炮油，再合蓋煮8分鐘就食得，有時自己攪兩攪，有時店員處理，有得玩下幾開心🥳叫了半隻雞，洋葱和蒜頭好香，雞件好入味，食前半部分口感好滑的，後半部分鞋的，可能因為食唔切熟左啲，兩個女生食半隻雞，飽左一半。火鍋材料乾淨新鮮，我攞左貢丸、花膠、芝士腸、金菇、墨魚丸、魚角、肥牛、響鈴、蟹柳，每樣一件，食得哂👍🏻留意火鍋湯是自己出去攞的，不是服務員比你架。韓燒我攞左多春魚、牛仔骨、牛肉粒、雞翼、午餐肉、魷魚。牛肉粒好淋，好驚喜，枱上有鹽，忘記加埋落去，所以淡淡地味，加少少鹽會好味啲。午餐肉煎到個皮好脆，勁正。雞翼可以煎到個皮好脆，醃得幾好味架，可以encore 。其他都好好食😋甜品食咗豆腐花、紅豆雪糕、朱古力雪糕飲品蘆薈汁（有肉，正）芒果汁杞子菊花雪梨水忌廉