金鶴拉麵 (利民大廈)

Open Now

Now Closed

金鶴拉麵 (利民大廈)今次同朋友嚟呢間分店食晏，旺角地鐵站B2出口直行一個街口轉右就可以見到，非常之方便。同街外嘅景色截然不同，入到去已經好有一種傳統日本拉麵店嘅感覺，因為未到午飯時間，所以人流都唔算多。今次我哋分別叫咗 瀬戶內海產蠔湯拉麵，同埋雞白湯拉麵，明太子手羽先（雞翼）。瀬戶內海產蠔湯拉麵啲蠔係分開上嘅，兩隻大大隻嘅焗蠔，上面個醬汁好好味，食完啲蠔之後我仲用拉麵上面嘅蔥去點晒啲汁嚟食。至於個拉麵本身份量啱啱好，咬感方面亦都啱啱好，至於個湯係有好輕微嘅酸味，配埋落啲蠔度好適合，啲湯本身亦都幾掛𪍑。至於另外一個雞白湯拉麵，拉麵都一樣份量好適中，同埋咬感啱啱好，湯方面會比起另外一款拉麵清少少，好適合我嘅胃口。明太子雞翼燒出嚟響張相度都睇都見到燒得啱啱好，同埋裏面都有好多明太子，不過因為食得太開心唔記得影相。