元朗新記 (吳松街)

Open Now

Now Closed

細細個話食粥個個都會話食沙田雞粥， 今時今日食粥唔一定要去沙田嘅，其實四圍都有，名頭就係元朗好出名嘅新記雞粥， 除咗雞粥仲有佢嘅紅燒乳鴿都係一絕。除咗佢嘅馳名雞粥 ，其實佢嘅雞都好出名，所以我哋三個人叫咗個雞粥，燒味拼盤 ，再叫咗條魚， 仲有佢嘅乳鴿，三個食到飽到上心口。馳名雞粥又真係好綿好滑，又唔會感覺好多味精，雞嘅份量都足，令到個粥都有雞味， 只不過過足嘅份量細咗少少。佢嘅燒乳鴿都炸得好好食，肉質唔會太乾， 仲係好滑身，又唔會炸燶咗 ，皮啱啱好有啲脆身，我哋三個人食其實應該要叫兩隻。叫咗條蒸倉魚，充足分量嘅豆豉同蔥， 火後就當然唔同屋企自己蒸，比較有鑊氣啦，唔會太細條，餸飯一流。燒味拼盤有叉燒，雞，燻蹄同埋海蜇。 佢嘅雞做得招牌，佢嘅雞梗係好味啦，又滑又香。叉燒雖然睇落比較乾身，但食落又唔會太乾幾好入口。燻蹄做得唔錯，唔會好似喺街度食嗰啲乾支支。海蜇個汁都得好好。呢個拼盤配啤酒簡直一流。