野火燒

Open Now

Now Closed

位於旺角金魚街依間野火燒，主力賣各樣燒烤，睇舖面共有13樣可以揀。佢多年前開業至今嘅香滑雞肉串都係做緊優惠酬賓：買一送一，$13有兩串，平均$6.5 有一串雞肉串燒，以現今百物騰貴的社會，真係無乜地方可以食到。雞肉串預先燒到8成熟放起，客人落order 時再放上電爐燒返熱去。雞肉串整體賣相不錯，外面燒得微微金黃，仲可以隨自己個人喜好去叫加麻辣粉，整體雞肉燒得較乾身，內裡只保留少少肉汁，不過雞肉確係夠滑，$6.5 一串確係抵食。