Cha:fe (Closed)

以前係荔枝角嗰頭返學，每天最難嘅難題，唔係書本上要解嘅數學題，而係每日lunch要諗食乜，呢樣亦係每日最期待嘅時刻，同同學一齊食下飯，談天說地，講下八卦，真令人懷念。最近南昌附近開咗個新商場 — V Walk，咁啱經過呢頭於是入去行下啦，好似我咁有選擇困難嘅小朋友有難喇，多咗咁多選擇😂唔太肚餓嘅關係，又單拖一丁友，最後決定去食個輕食醫下肚，香港嘅cafe愈開愈多，今日見呢間好新，未見過，一於就佢啦。環境唔錯，出面望到街景，好開陽舒服，一路睇景飲啡最寫意。叫咗個雞蛋烤三文治多士，厚厚嘅烘多士，少少燶，好香好脆，蛋炒得好滑，夾埋d生菜，好fresh好好食。凍咖啡幾香滑，唔太甜，幾啱我口味，下次再試埋其他先。