泰豊廔酒家

Open Now

Now Closed

呢間老店的北京填鴨一向非常有名，不過今日試咗佢地個叫化雞，味道竟然同樣精彩。叫化雞，又叫做乞兒雞或富貴雞，是用泥包起隻雞用爐火煨熟，可能是古法Slow Cook。雞內會塞滿食材令雞肉更入味，此店塞的食材包括大頭菜、冬菇、肉絲、火腿絲等。另外泥與雞之間除了牛油紙去阻隔污物之外，還加上了一塊荷葉，為雞肉增添了荷葉的香味。叫化雞會推到我們枱前由侍應扑開，不過因為我去咗廁所所以影唔到相。味道方面，因為是Slow Cook的原因所以隻雞好淋，另外D肉就吸收咗雞殼內填充物的味道，好食。提一提大家，此餸要預訂。北京填鴨就唔洗多講，老店名物無得輸。我最欣賞佢個用黎包鴨的餅皮，現時外面好少地方食到呢種傳統中式餅皮，食片皮鴨真係要用呢隻餅皮先至係最夾。另外再叫咗個花蒸素餃，味道都唔錯。