Video
Read full review
2007-05-13
6 views
上星期六,約咗朋友一行五人到中環呢間新開張嘅意大利餐廳食晚飯聚舊。睇雜誌知道呢間餐廳總店係澳洲墨爾本好出名,諗住水準應該會有番咁上下,點知食到一肚氣.....先先講吓環境,間餐廳唔係好大,估計大概可以容納50-60人,只有兩張圓枱係近門口嘅落地玻璃位置。燈光暗暗地,眼見嚟食嘢嘅客人都著得幾靘,幾隆重,仲以為間餐廳好high class....我同老公最先到,侍應安排到其中一張圓枱坐低,未安頓好就好趕咁要我哋order嘢飲,本來諗住等埋班friend (可能佢哋有興致飲吓酒)點知其中一個侍應夾硬幫我哋揸主意,order咗兩支水(高級餐廳通常都冇水免費提供)朋友聚舊,梗係多嘢傾啦!侍應不停係我哋身邊氹氹轉,追我哋落order,期間我哋問過有咩好介紹,但佢哋唔係咁主動,又唔熟,講到「一嚿嚿」!!?? 飲完湯,食完Appetizer,老公同朋友嘅Main course都到齊,獨欠我嗰份,(我同其中一個朋友order嘅一樣,諗住應該會好快到)過咗一陣,侍應都冇察覺到,我哋主動問侍應,佢哋先check check 吓話漏咗order,大概等咗10分鐘先到。食完Main course,侍應好快手就收
先先講吓環境,間餐廳唔係好大,估計大概可以容納50-60人,只有兩張圓枱係近門口嘅落地玻璃位置。燈光暗暗地,眼見嚟食嘢嘅客人都著得幾靘,幾隆重,仲以為間餐廳好high class....我同老公最先到,侍應安排到其中一張圓枱坐低,未安頓好就好趕咁要我哋order嘢飲,本來諗住等埋班friend (可能佢哋有興致飲吓酒)點知其中一個侍應夾硬幫我哋揸主意,order咗兩支水(高級餐廳通常都冇水免費提供)
朋友聚舊,梗係多嘢傾啦!侍應不停係我哋身邊氹氹轉,追我哋落order,期間我哋問過有咩好介紹,但佢哋唔係咁主動,又唔熟,講到「一嚿嚿」!!?? 飲完湯,食完Appetizer,老公同朋友嘅Main course都到齊,獨欠我嗰份,(我同其中一個朋友order嘅一樣,諗住應該會好快到)過咗一陣,侍應都冇察覺到,我哋主動問侍應,佢哋先check check 吓話漏咗order,大概等咗10分鐘先到。食完Main course,侍應好快手就收哂嘢,又攞咗desert menu比我哋...我哋掛住傾計,隔咗一段時間先叫,未食完,又不停咁問我哋finish未!?!? 你知啦!週末係中環蘇豪區都會有好多人搵地方食嘢飲嘢,間餐廳新開張,喺澳洲又幾出名,期間都見到好多人嚟食飯,就算冇訂枱,佢哋都唔介意飲住嘢等...可能因為咁,佢哋想趕走我哋,咪又可以做多單生意囉!你估依度係茶餐廳咩...離哂譜!!
總結評語:
食物- 本人對食唔係太講究,但係呢度嘅嘢真係唔係好掂...d魚肉好「鞋」,羊肉又「UN」,甜品超漏,但冇咩特別...
環境- 越坐越嘈,燭光晚餐?唔駛諗喇!毫無情調...
衛生環境- 唔得,因為在場比外籍客人發現有小強橫行霸道,要勞動侍應消滅!(咁都得!?)
價錢- 高級餐廳..(??)價錢梗係有番咁上下,但係總括所有嘢,就真係一d都唔合理喇!
餐單包括:
Water x 4 ($42 x 4)
Appetizer x1 ($98) - 有兩隻蝦同d source..仲有咩唔太記得
Soup x2 ($68 x 2)
Main course - 蒜香海鮮扁意大利麵($168), Snapper ($188), 澳洲特產淡水魚- 盲曹魚($208), 燘羊肉配薯蓉($198 x 2)
Desert - Tiramisu 同??? ($58 x 2)
埋單$1750..d麵包應該都計...
最後...服務態度- 超唔掂!好失望...1.迫你落order飲嘢 2.侍應對餐牌上菜式唔熟3.漏單,要客人提番轉頭4.為咗做多單生意,竟然趕客走,真正嘅高級餐廳唔應該係咁,應該比客人好好咁享受吓先啱...
奉勸各位,食唔過,唔係就好似我哋一樣,食到一肚氣!
Post