Video
Read full review
2021-04-30
42 views
呢間Chatterbox係新加坡文華酒店起家，佢嘅招牌海南雞飯出晒名，之前嚟到香港嘅時候仲吸引咗好多人排隊食，今次我就去咗太古城嘅分店，呢間分店有啲似快餐店感覺，可以係出面點餐或者係枱嘟QR code用手機落單。呢度嘅主食都係$8x起跳，招牌海南雞飯套餐更加係過百蚊。你問我係呢度食值唔值呢，就一定唔值喇😅😅定價太高味道又好一般，性價比好低🥲🥲❌❌文華海南雞飯呢晚比較晏所以無晒雞油飯得返白飯，不過個飯都幾乾爽。有3種醬料，分別係黑醬油、薑蓉同辣醬，味道都ok正宗，辣醬都幾刺激下。另外仲有個湯，不過係味精湯嘅味。嚟到最重要嘅雞，雞皮算滑，不過個雞肉就出事喇❗️好鞋又無雞味，食得出雪藏雞，作為海南雞一鞋就已經可以bye bye了👋🏻👋🏻一個套餐賣$108，但係差過好多只賣$4-50嘅小店真係搞唔掂❌❌新加坡肉骨茶麵線呢個就正常發揮啦，胡椒味好濃所以都會飲埋個湯，排骨有3條，啲肉都算腍同入味，仲配油炸鬼，穩穩陣陣冇乜特別。黑醬油炒蘿蔔糕套餐可以以優惠價加配小食，呢個係新加坡一樣幾出名嘅小食，蘿蔔糕食到蘿蔔粒保留返少許口感，醬油味甜甜地都ok，仲有啲蒜粒食落更香口。椰子雪糕咖央三文治甜品都可以用優
文華海南雞飯
呢晚比較晏所以無晒雞油飯得返白飯，不過個飯都幾乾爽。有3種醬料，分別係黑醬油、薑蓉同辣醬，味道都ok正宗，辣醬都幾刺激下。另外仲有個湯，不過係味精湯嘅味。嚟到最重要嘅雞，雞皮算滑，不過個雞肉就出事喇❗️好鞋又無雞味，食得出雪藏雞，作為海南雞一鞋就已經可以bye bye了👋🏻👋🏻一個套餐賣$108，但係差過好多只賣$4-50嘅小店真係搞唔掂❌❌
新加坡肉骨茶麵線
呢個就正常發揮啦，胡椒味好濃所以都會飲埋個湯，排骨有3條，啲肉都算腍同入味，仲配油炸鬼，穩穩陣陣冇乜特別。
黑醬油炒蘿蔔糕
套餐可以以優惠價加配小食，呢個係新加坡一樣幾出名嘅小食，蘿蔔糕食到蘿蔔粒保留返少許口感，醬油味甜甜地都ok，仲有啲蒜粒食落更香口。
椰子雪糕咖央三文治
甜品都可以用優惠價加配，呢個雪糕三文治賣相就唔係好吸引，不過個包烘得幾香，係廚房整緊嘅時候都聞得到。麵包帶少許牛油香，我自己就冇乜食過咖央，覺得有啲偏甜，不過應該係正常嘅😂😂只係自己唔太好咁甜。個雪糕幾好食，好香椰子味，仲有少少椰子碎，配個包食一凍一熱好刺激。
凍涼粉豆漿、凍檸檬薏米水
呢度都有好多款特色飲品，呢2款飲品就係想像到嘅味道啦。
人均消費：$100
推介指數（10分為滿分）：5分
Post
