福聚來海鮮酒家

Open Now

Now Closed

今日行完伯公坳打算 搭車出東涌食晚飯 ，結果太多人等車等咗三十分鐘，我哋改搭返回頭車入梅窩食夜晚飯。我哋落到車搵咗第一間ee已經叫我哋唔使等啦，冇位㗎啦。我哋改去咗另一間 老闆娘好有禮貌問我哋幾多位，跟住我哋等一陣就有位坐。老闆娘叫我哋慢慢睇。我哋得三個人，叫咗四個餸，諗住之後再叫 炒嘢食， 女夥記提我哋話如果之後再加單就要等半個鐘，因為假期。我哋叫咗粉絲大蝦煲，菜遠班腩，蒜蓉蒸青口。一嚟到青口估唔到咁多，但係粉絲就有啲硬如果再蒸多一陣應該會好食好多，青口都好鮮味。菜心都好嫩， 魚塊啖啖肉好好味。大蝦粉絲煲，蝦都好大隻，好多肉。京都肉排汁好好味，又有新鮮菠蘿，肉又唔老，肉都唔少，抵食。雖然呢度環境望唔到海， 有自然風好舒服 ，地方乾淨。