福聚來海鮮酒家

Open Now

Now Closed

這是一間家庭生意的飯店，有人情味的，dog friendly， 靠近海灘，可以看到山與水，風景好。食物方面可以形容為中規中舉的，海鮮算是新鮮的。他們的椒鹽鮮魷、菜遠鮮魷是出色的。 整體味道好，沒有好污糟呀勁喎喺邊度食到味精，不過比較喜歡食味精的人就可能覺得味道偏淡一點。

限聚令禁晚市堂食，多間食肆關門不做生意，幸福地係酒店附近發現還有間做外賣呢！不過大部份海鮮都未能供應呢。嬸嬸笑面迎人感覺溫暖，服務殷勤，外賣包裝十分細心，每盒都加錫紙保溫，行返酒店十幾二十分鐘都不怕變凍了！鮮茄牛肉蛋花豆腐湯，鮮茄味突出酸酸甜甜，蛋花豆腐滑捋捋，牛肉嫩嫩彈彈沒有鬆肉粉的感覺，湯汁濃厚不水汪汪，落足料滾熱辣全部清掉好味道！蒜蓉炒白菜，不是白菜仔，大大棵白菜都可以炒得鮮爽帶甜而鑊氣澎湃！莖爽葉嫩，蒜蓉汁增添香氣又提味，高質演繹。椒鹽豆腐，打開錫紙香氣撲鼻，蒜蓉辣椒惹味非常，豆腐炸得外層酥香嚥韌索盡蒜辣，內裡白滑豆味濃，滾埋喼汁酸酸甜甜更加美妙，真心搶住食！蒜蓉粉絲蒸鮮魷，粉絲看似白雪雪無味淡茂茂，竟然吸盡精華咸香帶蒜，爽滑完整長啜長有！魷魚彈牙散發陣陣咸鮮，搭著粉絲齊吃更添風味。豉椒炒蜆，同樣一貫食肆做法，汆完水再兜芡再快炒，所有鮮味已流失，蜆肉變得乾韌縮水！已很難搵到肯生炒的師傅了。

假日同朋友們去長沙沙灘暢泳完，回程搭巴士去梅窩搵野食，朋友話有間小菜館嘅椒鹽雞翼非常出名，有好多人慕名而來泥食。首先一坐低已經俾兩旁嘅壁畫吸引住，充滿藝術氣息，感覺好似海外小島風情。生炒咕嚕肉$88外脆內軟，酸甜度適中豉椒炒蜆 $78蜆肉非常飽滿，超有穫氣，惹味《必試推介》椒鹽雞中翼 $88 粉好薄，啱啱掛喺雞翼上，外脆肉汁多，甚至連墊底嘅花生🥜都非常香口（鮮炸）。椒鹽鮮魷 $88肉厚，有口感，外皮唔算好厚，脆脆的，正粉絲大蝦煲 $108名副其實的大蝦，所以只得3隻😅但就非常新鮮彈牙，粉絲完全索晒啲汁，好好味

今日行完伯公坳打算 搭車出東涌食晚飯 ，結果太多人等車等咗三十分鐘，我哋改搭返回頭車入梅窩食夜晚飯。我哋落到車搵咗第一間ee已經叫我哋唔使等啦，冇位㗎啦。我哋改去咗另一間 老闆娘好有禮貌問我哋幾多位，跟住我哋等一陣就有位坐。老闆娘叫我哋慢慢睇。我哋得三個人，叫咗四個餸，諗住之後再叫 炒嘢食， 女夥記提我哋話如果之後再加單就要等半個鐘，因為假期。我哋叫咗粉絲大蝦煲，菜遠班腩，蒜蓉蒸青口。一嚟到青口估唔到咁多，但係粉絲就有啲硬如果再蒸多一陣應該會好食好多，青口都好鮮味。菜心都好嫩， 魚塊啖啖肉好好味。大蝦粉絲煲，蝦都好大隻，好多肉。京都肉排汁好好味，又有新鮮菠蘿，肉又唔老，肉都唔少，抵食。雖然呢度環境望唔到海， 有自然風好舒服 ，地方乾淨。

疫情關係, 留港度假, 往大嶼山的銀礦灣酒店💁, 所以在這餐廳吃個午餐, 晚餐也將會在這裏吃😆😋地道的風味, 看著陽光與海灘， 肚仔打曬鼓， 看著椒鹽鮮魷🐙🐙🐙 要讚 🍺✌️椒鹽的粉皮很薄，不會厚厚的， 鮮魷 絕對新鮮彈牙，好味呢😆😝通菜🥬🥬🥬也顯看得出非常新鮮豉椒炒蜆🍛也不錯, 夠辣也夠豉椒，同埋蒜蓉味 👍😍但如果能更肥美便更好🤩! 生炒排骨🍲是這裏的名菜，記得來到點一個來吃哦😚🌷🌹🌻

叫了一個二人餐有魚有蝦有菜有青口都係298覺得價錢都可以接受，入去一試坐底之後 雖然望到海但其實馬路旁邊 不停食埋車喲廢氣仲有有勁多蚊子煩住食餐飯都坐得唔安樂份量較小 炒菜超級唔好食 沒有任何調味料沒有味道食到不太開心椒鹽中蝦味道還好不過份量太少青口只有四隻新鮮度不夠 魚比較好。不過魚嘅份量偏小飯又硬又乾唔值得收$201個叫飯一個 無諗過要20蚊一個。仲要收茶錢 衛生質素普通食完有啲唔舒服下次不會再了近碼頭嘅大排檔仲好食啲

帶著兩個從外國回來過新年的「ABC」去離島遊玩，他們想先去梅窩再入東涌。於是一行人在中環坐船，到達時已十二時多，正值吃中午飯時間，所以先醫肚才開始行程。由於當日是年初二，餐廳當天才正式開爐，所以很多海鮮都沒有來貨，那麼朋友就點了他們在唐人街最常吃的咕嚕肉（Sweet and Sour Pork) 和楊州炒飯 （Chao Fan), 另外我再加一個豉椒炒蜆和椒鹽鮮魷。*由於正值新春，當天是加二，即多收 20%，以下價錢是餐牌平日價錢，未計加二。豉椒炒蜆（$78)👍👍👍👍其實豉椒炒蜆最重要當然是要新鮮的蜆，但汁料更是帶出蜆味的靈魂。蜆是可以的，雖然不太大隻，但都很飽滿。豉椒汁的味道也恰到好處，能夠帶出蜆的鮮味。楊州炒飯($55)👍👍我從未吃過楊州炒飯以腸仔來炒，炒飯的主要材料是腸仔、蔥粒、雞蛋和幾粒叉燒，不知道是否因為新年沒有足夠材料才有腸仔，但整體感覺已很奇怪。咕嚕肉（$88)👍👍👍咕嚕肉的炸漿不算厚，啖啖肉，是一個不過不失的大路菜。椒鹽鮮魷（$88)👍👍👍👍鮮魷的炸漿略為厚身，但炸得很乾身亦香口，食落都不覺肥膩，椒鹽的味道可以帶出鹹香的味道。餐廳可以飽覽沙灘景色。餐牌

晚餐點了二人餐，有畺葱炒蟹或蒸海上鮮 + 炒時菜 + 椒鹽中蝦 例牌+ 蒜蓉粉絲扇貝，盛為308。價錢中等，炒蟹用水蟹，一半用中蟹一半用小蟹合成一碟... 扇貝四小隻（好細），多油無味...中蝦四隻，好食不過份量太少。時菜最大碟，不過沒有選擇，廚房決定。兩碗白飯，很細碗，一個網球般大。每碗20。環境尚可，不過近馬路會食塵。晚上客人不算多，很多吉枱不用等位。衛生程度一般，正常大排檔......總結，不推薦亦沒有下次。

豉椒炒蜆, 一般但太鹹, 一碟野要喝兩杯水. 紅燒豆腐, 味道對比的清淡, 這是白煮豆腐嗎?蛋白蒸花蟹, 花雕調味都算入味, 蛋白處理不好賣想嘔心味道一般. 椒鹽瀨尿蝦, 一般偏鹹而且不太新鮮的感覺味道不討好.西檸雞, 難食的雞. 干炒牛河, 難食不值得一提.蝦醬炒通菜, 蝦醬份量太少幾乎感覺不到, 出奇的清淡.

同男朋友揀左呢間餐廳食晚飯, 本身諗住揀呢間或者德仔記, 但最後見到真情的立生盧慶輝ge廣告諗住應該會好過前面果間德仔記。6點幾去食, 叫左3樣餸, 每樣野份量都好多, 值得一讚ge。但可惜唔好食, 份量多都冇乜用。1. 豉椒炒蜆: 算係好食, 但其實呢樣唔難整得好食, 只要冇沙都ok~~~唯一一碟清哂ge。本身食得咸, 所以都覺得好食, d 蜆都大隻ge。2. 紅燒豆腐加菜底: 份量好多, 可惜一d味都冇, 要加豉椒炒蜆d 汁食先有味,懷疑冇落鹽。除左冇味, 其餘冇乜特別。3. 花雕蛋白蒸花蟹: 難食,本身想食膏蟹, 但佢冇入貨, 改食花蟹。用3 隻小花蟹量夠一斤多斬件蒸, presentation 一d 都唔吸引, 可能蒸蛋白ge關係, 蒸到好似發mo 咁。d 蟹都唔新鮮, 一d 都唔好食。d蛋白好少。d 蟹都有花雕酒味ge。俾人抹手的濕紙巾超臭。有機會再去梅窩會選擇出面ge 大牌檔, 個境都靚d, 同埋d 餐都幾抵食。可能呢間野平時冇乜人去, 佢唔敢入太多貨, 夜晚6點幾去, 都只係得兩條倉魚游緊。

椒鹽瀨尿蝦 － d蝦唔新鮮 "梅梅地"..紅燒豆腐斑腩 － ok 喇西檸chicken　－　個汁好希偏淡　干炒牛河　－　牛肉冇味可能鬆肉粉太多，河粉又厚又硬，色好靚但都係冇味！下次唔會再去呢間～

是日同朋友仔大嶼山一日遊，去到最後一站梅窩已經七點幾喇。原本打算睇埋個銀礦，但係太夜，唯有將呢站變做海鮮晚餐作是日之終結。起初都唔知道去呢間定係前面0個間，見到呢間有盧慶輝個專訪之後就入左黎喇。晚飯時間但係只係得兩枱客，都幾好丫，唔使同人迫~椒鹽瀨尿蝦($68):量多，略嫌炒得唔夠乾身，有汁可以啜到出黎。唔知點解會有咁多蒜蓉，不過佢咁樣搞搞新意思又幾好味喎，而且d蝦肉唔會霉，都幾新鮮，整體感覺都好好!粉絲蟹煲($68):上菜o個時d汁仲響度滾緊!份量多，配料亦多，不過好似入唔到味。蟹冇肉，茨汁冇咩味，淡得令人想落豉油........失望!蒜蓉粉絲蒸扇貝($48):油太多。個蒜蓉夠味，粉絲軟身，而且吸收晒蒜蓉既香味，正！送飯一流！洗得都幾乾淨，又新鮮，好味~食完之後有一大碗茶洗手，又有濕紙巾提供，幾好丫~不過個濕紙巾好似唔係呢間野ga wor= =

Made a special trip to this restaurant last Saterday evening (there is nothing to do inMuiwo so eating in this palce is the only purpose of our 20 minutes boat trip)Ordered chicken wing, prawn, big clam, vegetable, beancurd, and pork fried noddle.Everything is good except the size of the prawn is too small. Unfortunately, seafoodbeancurd soup was sold out.The evening was cool and cozy. All of us (total 3 persons) enjoyed the evening.Total amount of the bill is three hundred something which is

一行4人, 唸住食番餐正海鮮, 但唔知係咪weekday 去唔係weekend, 唔多得唔多海鮮選, 擺了3款出來, 魚都係得2條, 我們食了...招牌椒鹽瀨尿蝦, ok 幾好食蒸細鱗, 我地問吓有咩魚, 商量緊, 佢已經落咗單喇, 可能佢招呼慣咗d 問都唔問的客. , 唔... 唔係想食果條, 條魚更加唔滑蝦醬炒通菜, 其實ok but still 失望, 因為不嬲離島d 蝦醬好掂, 但呢味餸只係一般粉絲蒜蓉蒸扇貝, 得果4隻?! 好細仔蝦仁炒蛋,完全冇蝦味,都唔知點解同茶餐廳d蝦冇分別, 係冇味o既整體而言,都係唔得

5.8.2007 (星期日)第1次係梅窩食飯，梗係要食海鮮喇！我兩個人，唔可以叫太多，所以只叫3碟。1)椒鹽鮮魷($48)好香口& 鬆化，係椒鹽雙魷架，正！仲有，勁大碟。2)蒜茸粉絲蒸中蜆(沙白) ($50)好好味！都幾大隻，抵食。3)紅燒豆腐斑腩($68)又係好大碟，有好多斑腩，仲有支竹、鮮冬菇，豆腐夠滑，獻汁味道都唔錯！食飽仲送消暑冰凍紅綠豆糖水，好味！喱間飯店，對正個海，雖然只係間有蓋\大排檔，但環境都幾舒服，與之間，有足夠空間，唔會太迫，員工招呼周到，不妨一試！