萬豚屋

Open Now

Now Closed

前所未有咁離譜，今晚收工去食飯，6:45去到唔洗點排隊，可以入座，不嬲知道都要時間等上菜，但冇諗過可以等45分鐘都冇煮過。我地叫左兩個烏冬加一個玉子燒，個玉子燒等左15分鐘就黎左，係幾好食，之後傾下計等上其他烏冬，點知等左25分鐘就問個女人有冇留單，個女侍應話整緊，我地叫佢問一問廚房，點知等左五分鐘都冇理我地，我地就再問另一個侍應，我問等35分鐘係咪正常，佢答我唔係，正常係20分鐘，幫你催緊廚房架喇。好，等左10分鐘再問，點知同我地講整緊，火都黎，我地話唔要打算走，點知個女侍應先走黎話未開始整，問我地仲要唔要！一個二個侍應係度hea你，等左45分鐘係可以冇上菜同求其答你話整緊，野食係好食，但態度真係不知所謂，食唔食真係你諗你。