Video
Read full review
2007-08-20
20 views
東湖海鮮酒家側魚涌康怡廣場北座3字樓其實以前都去過依間野, 覺得d 野食不過不失, 以佢既price 泥計, 質素都可以接受. 隔左好一陣子無去, 因為成日都去翅凍飲, 有d 悶, 今日岩岩同屋企人去食lunch 點知真係大失所望, 食到一肚氣. 我dad 去左囉位先... 我地張台係lift 上去左手邊既一間玻璃房入面. 我去到既時候, 正想坐低, 忽然見到一隻小蟑螂係我d餐具邊行過. 果一下真係o 晒咀... 隻野既大小大概一毫子咁大, 雖然我都認同佢只係細細隻, 但我覺得有一隻係張台上面自由走動係一件好離譜既事. 咁大間酒樓, 仲要係集團式經營, 衛生係最基本的. 我明白食肆有昆蟲係在所難免, 但係見唔到都好d , 成隻野係眼前行過真係食咩都無胃口. 之後一邊食啦... 其實已經覺得而家d野食無以前咁好食... 就連煎釀3寶都唔得, 是但係旺角搵一間都好食過佢. 當然都有d 野係ok好食, 例如係馬拉糕, 都幾好味. 食完一輪點心之後, 就嗌左2 碗燒味粉面, 係燒鵝米粉同叉燒米線. 有個著黑衫既captain 幫我地落單, 佢就寫左係張點心卡背面. 個captain本身係耳
側魚涌康怡廣場北座3字樓
其實以前都去過依間野, 覺得d 野食不過不失, 以佢既price 泥計, 質素都可以接受. 隔左好一陣子無去, 因為成日都去翅凍飲, 有d 悶, 今日岩岩同屋企人去食lunch 點知真係大失所望, 食到一肚氣.
我dad 去左囉位先... 我地張台係lift 上去左手邊既一間玻璃房入面. 我去到既時候, 正想坐低, 忽然見到一隻小蟑螂
係我d餐具邊行過. 果一下真係o 晒咀... 隻野既大小大概一毫子咁大, 雖然我都認同佢只係細細隻, 但我覺得有一隻係張台上面自由走動係一件好離譜既事. 咁大間酒樓, 仲要係集團式經營, 衛生係最基本的. 我明白食肆有昆蟲係在所難免, 但係見唔到都好d , 成隻野係眼前行過真係食咩都無胃口.
之後一邊食啦... 其實已經覺得而家d野食無以前咁好食... 就連煎釀3寶都唔得, 是但係旺角搵一間都好食過佢. 當然都有d 野係ok好食, 例如係馬拉糕, 都幾好味.
食完一輪點心之後, 就嗌左2 碗燒味粉面, 係燒鵝米粉同叉燒米線. 有個著黑衫既captain 幫我地落單, 佢就寫左係張點心卡背面. 個captain本身係耳仔戴住左個headphone, 係我地落單既時候,佢就除一除低個headphone聽我地叫d咩野食.
過左一陣, 2碗面泥到, 我地發現佢俾燒腩米線同叉燒米線. 我地一開始只係留意到燒鵝變左做燒腩, 於是就叫番果個captain 過泥, 同佢講話" 我地嗌燒鵝唔係燒腩" , 跟住佢就拎番張點心卡泥check , 發現佢落單果時都係寫燒腩. 之後佢話"咪燒腩囉, 你係叫燒腩" . 我地再重申多一次係燒鵝, 佢依舊講番果一句"咪燒腩囉, 你係叫燒腩" , 完全無諗住幫我地換番, 好似係度拗係佢岩我地錯咁, 已經唔明佢拗咩. 咁我dａｄ 話算啦算啦, 燒腩都由得佢. 點知望真d , 連個面都係錯, 一個米粉變埋米線, 之後叫個阿姐泥同佢講, 個阿姐就幫我地換埋個燒腩, 個captain 知道我地換野仲好似好唔滿意咁. 係咁係度同個阿姐講.
我覺得佢泥錯左野食, 無人會怪你落錯單, 因為當時既環境真係幾嘈. 但係, 你就算去茶餐廳, 泥錯左野食, d waiter 都會幫你換過啦... 佢仲要係集團式酒家既captain , 著黑衫既, 無講唔好意思都算, 但都起碼幫我地換番個岩既野食丫, 佢就唔係, 佢仲要覺得佢落既單岩晒, 係咁拗係我地要燒腩, 好似個客人錯咁.
但係落單既時候佢又無同我地複一次單, 咁憑咩同我地拗? 真係好離譜. 仲要係captain , captain 都咁既服務態度, 真係好差.
Post