Video
Read full review
2014-01-22
30703 views
其實一向都很怕食自助餐, 並不是不吸引, 食物不好吃, 相反實在太多美食, 樣樣都想食, 難以抗拒, 我個小胃子一定受不了, 但我的口又忍不了, 唯有保持一個宗旨- "想食就食"!!今次有幸得到親戚請客, 才可到這間5星級酒店一試它的自助晚餐, 既感謝又興奮!環境此cafe的門牌不大, 亦不搶眼, 但門口放滿一樽樽的浸着食物或植物作擺設, 頗特別。這裏地方不算大, 位與位之間有點狹窄, 但都算坐得很舒服。食物放在四旁, 圍住座位, 方便客人取食物。食物區分為：點心區、熱盤區、燒味區、日式熱食區、印度菜區、甜品區、海鮮魚生區、沙律區及小碟菜式區。每區的食物款式眾多, 要試齊都好難, 盡能力吧!服務5星級的服務果然不同, 大部份服務員都臉帶笑容, 友善而有禮, 他們幫忙舖餐巾、客人行開取食物時又將餐巾摺好, 很細心! 但由於星期日客人很多, 他們收不需要的餐具並不快手。食物我將小胃子比平時擴大一百倍, 係一百倍, 故吃了不少美食, 逐一介紹一下：先來海鮮, 因為它們是我的最愛。● 第一碟: 麵包蟹、龍蝦及蒜蓉粉絲蒸原隻鮑魚。麵包蟹和龍蝦都很鮮味, 肉質爽口, 多肉多膏, 特別是麵包蟹, 半
今次有幸得到親戚請客, 才可到這間5星級酒店一試它的自助晚餐, 既感謝又興奮!
環境
此cafe的門牌不大, 亦不搶眼, 但門口放滿一樽樽的浸着食物或植物作擺設, 頗特別。
這裏地方不算大, 位與位之間有點狹窄, 但都算坐得很舒服。食物放在四旁, 圍住座位, 方便客人取食物。食物區分為：點心區、熱盤區、燒味區、日式熱食區、印度菜區、甜品區、海鮮魚生區、沙律區及小碟菜式區。每區的食物款式眾多, 要試齊都好難, 盡能力吧!
服務5星級的服務果然不同, 大部份服務員都臉帶笑容, 友善而有禮, 他們幫忙舖餐巾、客人行開取食物時又將餐巾摺好, 很細心! 但由於星期日客人很多, 他們收不需要的餐具並不快手。
食物
我將小胃子比平時擴大一百倍, 係一百倍, 故吃了不少美食, 逐一介紹一下：
先來海鮮, 因為它們是我的最愛。
● 第一碟: 麵包蟹、龍蝦及蒜蓉粉絲蒸原隻鮑魚。
麵包蟹和龍蝦都很鮮味, 肉質爽口, 多肉多膏, 特別是麵包蟹, 半個蓋都滿滿是膏, 而膏亦很豐厚, 吃光一隻的話一定超標, 但真的很美味!
蒜蓉粉絲蒸原隻鮑魚一直存放在小小的蒸籠, 所以熱度十足。粉絲吸收了鮑魚的鮮味, 亦帶有蒜香味, 正!鮑魚不會太硬, 容易咀嚼, 鮮味十足。
● 第二碟：刺身。三文魚和油甘魚刺身都肥美、新鮮，而黑魚籽則爽口、鮮味，帶有少少鹹，正! 但對海膽帶子有點失望，不算太鮮味，肉質一般，馬馬!
● 第三碟：冷盤及小碟菜式。1) 辣三文魚串- 魚肉厚且鮮味十足，辣辣地配上清爽的青瓜，配搭不錯!
2) 大蝦粉皮- 大蝦下舖滿粉皮，已下了芝麻醬, 可再因個人喜好加蒜蓉醬和辣油。大蝦鮮味爽口, 粉皮煙韌, 還有少許青瓜絲配搭, 賣相和味道都不錯!
3) 紅菜頭- 是我的喜愛, 它切成曲薯條, 很得意! 味道清甜, 很正!
4) 泰式木瓜沙律- 木瓜清爽, 辣度十足, 配上甜甜的芒果和清新的車厘茄, 美味!
5) 榨菜鴨腎和炒豆干- 味道普通, 並不太吸引。
6) XO醬炒蒜芯- 蒜芯炒得剛好, 不會太稔或太硬, 用XO醬炒又辣又惹味, 正!
● 第四道：准山杞子燉雞湯 (只7:30PM及8:30PM出一輪)。雖然燉雞, 但一點都不油膩, 清甜。湯料十足, 除了有淮山、杞子和雞外, 還有很多瑤柱。湯燉得很夠火喉, 淮山已燉至有點溶化, 滋補!
● 第五道：熱盤。1) 炒和牛粒：雖見粉紅肉, 但仍感有點鞋口, 味道一般, 失望!
2) 炸魚：炸粉比魚肉多, 馬馬!
3) 烤/炒蔬菜：有白蘿蔔、黃青瓜、青豆等等, 並非一般菜心、椰菜等這麼普通, 全部都弄得剛好, 爽口清甜, 不錯!
4) 滷豆腐：味道普通, 食不出香料的味道, 馬馬!
5) 海鮮通粉：雖然用作煮通粉, 但大蝦帶子都爽口鮮味, 好味!
6) 煎魚：肉質不算厚, 很嫩滑而美味, 亦不油膩。
7) 咖喱菜、牛腩：兩款的咖喱製法不同, 咖喱牛的味道比菜好味, 但牛肉很鞋口, 而咖喱菜很油, 喜歡吃咖喱的我很失望!
8) 生菜包：生菜清爽, 豬肉碎肥膏不多, 拌了碎碎的雜菜, 不感油膩, 但味道一般, 欠了一點辣!
9) 燒牛肉：雖則廚師給了我一塊肉邊, 燒得較為乾身的位置, 但肉質仍很稔, 它本身所調較的味道已不錯, 再配上燒汁和芥末則更美味。芥末醬還分了英式、法式及芥末籽, 可讓客人有不同選擇, GOOD!
● 第六道：甜品。1) 泰式椰汁糕：香濃的椰汁味配上西米、有咬口的粟米和鬆化的香芋糕, 甜度適中, 整體不錯!
2) 紅桑子果凍：紅卜卜果凍配上新鮮的藍莓和紅桑子, 賣相吸引。它酸酸甜甜, 很醒胃, 不錯!
3) 蜜桃酥批：酥皮鬆脆且很有牛油香, 金寶粒焗得脆口而鬆化, 甜度又適中, 正!
4) 榛子蛋糕：慕絲口感幼滑, 但朱古力海棉蛋糕略欠鬆軟, 而且沒有榛子味, 馬馬!
5) 芒果蛋糕：芒果香甜, 但蛋糕欠鬆軟, OK!
6) 芒果雪芭、夏威夷果仁雪糕：芒果雪芭酸度十足, 但甜味亦很重, 馬馬! 夏威夷果仁雪糕並非純味果仁粒, 經過製作, 好像糖粒一般, 完全沒有夏威夷果仁的美味, 相當失望, 混入雪糕內反而變得怪怪的, 並不好味!
7) 生果：由於已太飽, 只揀了蜜瓜、哈蜜瓜和菠蘿。蜜瓜令人失望, 不甜亦欠果汁, 反而哈蜜瓜甜美多汁, 菠蘿則略為酸。
● 第七道：美味甜品- 馬卡龍一向我都不太喜歡吃馬卡龍, 皆因它太太太甜, 但這裏的馬卡龍令我吃完想再吃。幸好早一點把它們取回, 因只推出一次, 被取光就沒有。
這裏的馬卡龍甜度適中, 均能食出各獨特的味道, 包括綠色的抹茶味、粉紅色的士多啤梨味及最特別的啡色口味，細細品嚐後, 個人認為的樂家杏仁糖味，還吃出脆粒, 真是很正!
每粒中間除了有mousseline，還在mousseline中夾了一層pate de fruit (看書知道是將果蓉、果糖製成啫喱狀), 一咬帶有多重口感, 脆、軟、滑、煙韌, 十分驚喜。
● 第八道：特別驚喜甜品- 雜果撻、蘋果撻及士多啤梨撻 (因親戚是熟客才特別送上)它們是全場甜品中最美味的。
1) 雜果撻的雜果種類豐富, 有橙、火龍果、菠蘿、蜜桃、藍莓、紅桑子、士多啤梨和奇異果，豐富又色彩繽紛, 看到都令人流口水。各種水果都很新鮮甜美, 而撻底亦帶滿牛油香, 口感鬆化, 中間並非簡單的忌廉, 而是美味的杏仁蛋糕, 超正!
2) 蘋果撻以酥皮作撻底, 層層的酥皮鬆脆, 但咬下去時感到略重的油份。絲絲的蘋果舖面, 中間亦是烤焗過的蘋果件, 仍帶有小小爽口, 但略欠蘋果的甜美。
3) 士多啤梨撻同樣以酥皮作撻底。鮮紅色的士多啤梨, 粒粒大小一樣, 好像經過嚴格挑選。士多啤梨酸酸甜甜, 很新鮮。最驚喜是內裏配有開心果忌廉, 味道特別而美味, 推介!
______________________________總括而言, 環境華麗舒適；服務周到；食物材料新鮮, 款式多而大部份都美味, 吸引!
Post
