楽壽司 (Closed)

是日SOGO Thankful week, 加上剛出糧嘅日子 相約嫂子去拼博之餘, 當然要先醫飽個肚仔先啦.環境確係有少少高級嘅感覺。一出電梯門見到Ｄ裝潢係落左心思嘅，眼見大部分都係梳化位，坐得幾舒適，私隱度高。Lunch set - $666Staff推薦蠍餐廳6週年嘅特別lunch set ，分別有6道菜。芝麻醬沙津 / 漬物 - 沙津嘅質素中等，反正菜新鮮已經唔會錯了。 而旁邊嘅漬物係難得我會食得哂嘅上菜分別有6款壽司/6款刺身 （真係全部都係6😂😂）壽司飯係用赤醋去整嘅，唔知係唔係心理作用係感覺比平時嘅香d。除左刺身鮮甜之外，部分壽司仲有Ｄ特別Ｄ嘅食法，例如加左魚子醬同特制柚子醬咁，唔會搶左魚本身嘅鮮味之餘亦提升左佢嘅層次感。刺身係食得出高級質料嘅新鮮，性價比高 。麵豉湯 / 茶碗蒸 - 茶碗蒸裡面有帶子/菇/銀杏，香滑之餘仲有海鮮嘅鮮甜味最後黎到甜品 - 雪糕有兩款選擇- 柚子/綠茶，我地就要哂2款味道黎試。綠茶係比較奶味重嘅一款，而柚子係雪葩咁嘅質感，偏清新嘅口味，兩款都唔算好甜。