Video
Read full review
2021-02-17
1419 views
之前週末去親油麻地，都會想試下「不籽是咖啡」，不過前前後後行過五次，每次都係咁多人。等位嘅人多，影相嘅人仲多🙈。臨近歲晚收爐，又或者啲人驚會無啦啦封區，所以呢日午餐時段竟然有位，可以直入！我一直以為餐廳係有兩層，但原來只係樓底高，座位數量唔算多。室內環境行簡約無印風🌿，其中有一排面向街景嘅吧枱窗口位，打卡就最適合不過。文青Cafe唔代表只係得輕食，呢度仲有提供多款主食，例如蕎麥麵、意粉同漢堡包等！食物份量仲要唔算細，比咗錢最緊要食得飽嘛😛。龍蝦湯配牛油果大蝦稻庭烏冬($128)，佢係呢度最受歡迎嘅菜式，近乎枱枱都有嗌。🦞龍蝦湯係同烏冬分開上的，咁就唔會浸淋啲麵。熱湯裝喺一個鐵壺入面，所以能夠保溫。龍蝦湯味道幾濃郁，而且更估唔到入面加咗蟹肉/蝦肉碎。稻庭烏冬份量約等如一個麵餅🍜，烏冬較扁身，掛湯效果唔錯。烏冬外有唔少餸料，包括四隻巨蝦、牛油果片、昆布同沙律菜等，算幾豐富。🦐蝦肉好巨型，爽口彈牙，食得出鮮味。🥑牛油果放湯食真係第一次，但感覺麻麻，好似唔太夾咁。另一邊廂，我唔知烏冬本身係凍定熱，雖然龍蝦湯熱辣辣，但倒咗落烏冬後就凍得好快，所以建議影完相後盡快食。味增蟹醬蟹籽蟹肉扁意粉($12
之前週末去親油麻地，都會想試下「不籽是咖啡」，不過前前後後行過五次，每次都係咁多人。等位嘅人多，影相嘅人仲多🙈。臨近歲晚收爐，又或者啲人驚會無啦啦封區，所以呢日午餐時段竟然有位，可以直入！
我一直以為餐廳係有兩層，但原來只係樓底高，座位數量唔算多。室內環境行簡約無印風🌿，其中有一排面向街景嘅吧枱窗口位，打卡就最適合不過。
文青Cafe唔代表只係得輕食，呢度仲有提供多款主食，例如蕎麥麵、意粉同漢堡包等！食物份量仲要唔算細，比咗錢最緊要食得飽嘛😛。
龍蝦湯配牛油果大蝦稻庭烏冬($128)，佢係呢度最受歡迎嘅菜式，近乎枱枱都有嗌。🦞龍蝦湯係同烏冬分開上的，咁就唔會浸淋啲麵。熱湯裝喺一個鐵壺入面，所以能夠保溫。龍蝦湯味道幾濃郁，而且更估唔到入面加咗蟹肉/蝦肉碎。
稻庭烏冬份量約等如一個麵餅🍜，烏冬較扁身，掛湯效果唔錯。烏冬外有唔少餸料，包括四隻巨蝦、牛油果片、昆布同沙律菜等，算幾豐富。🦐蝦肉好巨型，爽口彈牙，食得出鮮味。🥑牛油果放湯食真係第一次，但感覺麻麻，好似唔太夾咁。另一邊廂，我唔知烏冬本身係凍定熱，雖然龍蝦湯熱辣辣，但倒咗落烏冬後就凍得好快，所以建議影完相後盡快食。
味增蟹醬蟹籽蟹肉扁意粉($128)，🍝呢碟Pasta稱得上係巨無霸，簡直有成座山咁高，一個人難啲食得哂。扁意粉墊底，上面就放滿海量蟹籽、手拆蟹肉🦀、紫菜同木魚碎等，基本上佢係多到你每啖都食到。醬汁方面，味道偏淡，無西式忌廉嗰種咁漏。我唯一略嫌扁意粉煮得淋身咗少少，但整體問題不大。
海鹽焦糖雞翼
$68
31 views
2 likes
0 comments
Matcha Latte
$42
16 views
0 likes
0 comments
Mocha($42)，呢杯係朋友點的☕️，同樣有朵細拉花，佢讚啲奶泡打得好幼滑。
總括嚟講，呢餐係愉快嘅午餐🍽，因為唔使等，環境又夠舒服。即使再好食，但如果要等好耐都會搞到無乜心機嘛。另外，餐廳嘅上餐速度亦好有效率，咁先可以做多幾枱客嘛。服務方面，店員幾好禮貌，願意主動協助👍。
Post
