一品香南北美食

Open Now

Now Closed

到青衣補習前，先到葵涌廣場搵野食，見到呢度有擔擔麵說馬上坐底，諗左冇耐就叫左個唔辣既擔擔排骨麵加豆漿，3分鐘之後就上齊D野食啦！咁快上既話，排骨好大機會係番炸，不過細鋪仔邊有得要求咁多，夠熱已經好好。肉味都夠，係份量少左D。個湯底都係花生底再溝上湯，不過呢度較特別既話加上肉鬆同少少酸菜，都幾惹味既。而麵係難得咁彈牙，個人覺得同詠藜園差少少。豆漿喎，都係普通貨色啦。見其他人都有食生煎包同鍋貼，應該都值得叫，下次會試下既。