一品香南北美食

Open Now

Now Closed

幾年前曾經食過印象幾好食可惜今日之後都唔會再去叫咗個下午茶，雲吞米線配個小菜鍋貼再加個小籠包小食。點知鍋貼皮極厚個內餡仲要係酸嘅，入口質感似杰撻撻嘅粥，相當微妙問啲店員，佢哋話啲餡加咗醋🙂‍↕️🙂‍↕️所以你食鍋貼嘅時候要小心，你係極難分辨有冇變壞之後個小籠包黎左，啲餡料同鍋貼完全一樣，但小籠包個餡就冇酸無杰撻撻感覺，只係冇小籠包應該有嘅汁。又干又實淨🙂‍↕️最後麵雲吞米線如果冇前兩款小食比較嘅話可能會覺得普通。 但有比較之後雲吞米線絕對會係美食👍🏻

葵湧廣場美食之選~親民價上海美食”一品香美食 下午茶有幾款選擇, 全部不超過$40. 大大碗的粉麵配一款點心（首選生煎包/鍋貼）再加一杯豆漿B餐五香雞翼上海麵 ~香脆可口的炸雞翼配上海幼麵E餐雲吞米線~大大粒手工上海雲吞配米線偶然食一次,回憶的味道. 平平地又夠飽. 一品香南北美食葵芳葵富路7-11號葵涌廣場地下A08號舖

【葵青區】【一品香南北美食】成日經過葵湧廣場嘅地下，見到呢間嘢都一直想食吓佢。機會唔係時時有，講吓講吓都講咗好多年，諗吓諗吓直頭冇埋個 idea。所以呢一次見自己有啲肚餓，喺呢頭搵緊嘢食嘅時候，就的起心肝走入去坐低叫嘢食嚟滿足自己長久以來嘅慾望同埋個飽足感。我以為得散叫，點知原來有套餐。用 $67 叫咗「推薦套餐」裏面嘅其中一款，主食係「擔擔雲吞麵」，可以揀唔辣我就唔辣啦，食落又正正常常，冇坊間啲人講得咁難食。不過可能以前佢哋水準曾經好高，食到啲人挑剔咗，咁我都唔排除佢係曾經退步過嘅。個餐仲有「小籠包」四隻，個肉餡都 okay 嘅，呢個價錢係呢個水準㗎喇，個餐仲配埋「鮮豆漿」，算係咁㗎喇。我自己另外再加 $8 要多隻「鮮肉鍋貼」，個餡同小籠包其實好接近甚至似係一樣。再加多杯「鮮豆漿」之下，其實我已經唔記得幾多錢埋單。。。（地址：葵芳葵富路7-11號葵涌廣場地下A08號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesof

讀書時期都鍾意食哩間，距已經唔係一間餐廳咁簡單啦，係回憶的味道！但係事實係冇之前好食之前花生醬濃郁，但依家就少咗好多咯！真係好可惜！不過今時今日58蚊 一個擔擔麵➕手工鍋貼or蒸餃➕一杯豆漿 都算係好好啦！ 擔擔麵出咗冇咗咁多花生醬、少咗肉鬆，其他方面都一如既往咁好食，有味道，有情懷！ 手工鍋貼睇落皮有啲厚，但係餡都打多肉 有啲阿媽的手工！☺️ 蒸餃薄皮餡多 啖啖肉！滿足😌⋯⋯ 豆漿豆味濃好味 一般成人一個套餐係可以食飽啦，咁多年都可以屹立不倒係有原因㗎！

以前食過係幾好食，隔咗好幾年無食今日番去重溫，點知伏到一個頂點⋯3個人叫咗2碗麵加鍋貼，小籠包同抄手，飲品當然係門口部大大部懷舊豆腐機嘅豆漿啦～麵其實都無乜特別，係淋咗啲，都入得口嘅。至於豆漿，如果係飲開無糖嘅會覺得佢幾好，但我個人鐘意偏甜豆漿，所以覺得佢無味之餘仲有少少豆青味，不過都唔緊要，口味呢家野都好個人嘅，真正伏嘅係嗰幾款小食⋯個鍋貼啲皮厚到好似食緊餃子形狀嘅生煎包；小籠包又乾又實，超級市場買包急凍南翔小籠包都皮簿多汁過佢，嗰種實嘅程度燒似係食緊一粒有皮嘅肉丸；至於個抄手真係伏王！個皮嘅味好奇怪，啲餡又係勁實，辣油無辣油味。最好笑係，鍋貼，小籠包，抄手啲餡係一模一樣嘅⋯正當我哋諗會唔會連生煎包個餡其實都係一樣嘅時候，有幸見到對面枱叫咗嚟食，然後睇到⋯⋯原來真係一樣！聽到佢哋話個包面好硬😂仲用筷子敲咗2下咯咯聲😂😂😂總括嚟講，食麵係可以嘅，至於啲小食呢⋯勇者無懼可以一試咁囉

行街前想簡單與男友食個平靚正午餐，我諗起在葵廣的一品香，套餐有野飲、菜、面及小食，總供加埋都只係$60幾，以現在物價黎講，確實非常抵，所以每次都排晒長龍的。擔擔面麵身爽口，湯汁濃淡適宜。小龍包不像一般小龍包咁，入面無乜湯汁，但味道不錯。鍋貼及生煎包其實除左形狀不同，裏面的料是一樣的。

今日因為工作關係，一個人嚟到葵芳食午餐，每次去到葵芳，都會諗住食呢一間平民擔擔麵，雖然佢越食越貴，由10幾蚊一碗去到依家$29一碗嘅擔擔麵，都仲係好想食佢我最鍾意就係食辣味嘅擔擔麵，今次加埋炸雞翼同埋一杯凍豆漿，真係好豐富呀擔擔面有肉鬆同埋好香嘅花生醬，有啲榨菜，面質好柔細好有口感，但係我覺得加咗價之後面嘅份量反而仲少咗，而家真係百物騰貴至於雞翼方面，三隻入面有兩隻嘅骨都係斷咗，而且佢揸得好似唔係好熟，我覺得一般般，下次都係食返擔擔什餃面啦

五點九係葵廣，本身想食車仔麵，點知車仔麵落左半閘😢見隔離有間細細地嘅上海野，望一望餐牌，仲有下午茶餐😳姐姐又好好招呼，就一下坐左落去😂🍲雲吞米線、🥟鍋貼、🥛豆漿 ($34)🥟鍋貼一碟兩隻，本身已經煎好晒放係爐度，所以唔係新鮮熱辣，只係暖暖地咁~皮有D厚，但肉餡大大舊，一D都冇偷雞👍🍲雲吞米線，一上枱睇到呆左一下😳冇諗過會咁大碗，都冇諗過會有🥬菜，仲要幾多椰菜，食極都仲有😍雲吞三粒，皮冇包肉果個位都係厚左D~但雲吞大大粒，算係唔錯👍湯底就麻油清湯咁，清清地，我自己覺得幾好😙不過如果米線煮得硬少少，就更好了😂🥛豆漿唔會好甜，但都唔係好濃豆味，一般般~$34有齊小食、麵同野飲，仲要幾大份同好食，今時今日都冇乜幾多地方會有🤦‍♀️食緊個陣都不由得諗咁樣賣一個餐會唔會蝕😂絕對可以再返轉頭幫襯😏

呢度你預環境唔係好好個種亦唔會坐得舒服但對我黎講係平靚正方便之選當然你唔好預佢5星級級數只可以話性價比高35蚊碗麵加豆漿而且食到好飽我覺得已經好滿足了店鋪細細但可以點既野都好齊全佢其實好多時坐滿人不過好多都係食完就走所以就算等都唔洗等好耐我最鍾意食佢雜餃擔擔麵唔知食邊款每樣一粒岩哂我😌有韮菜餃，菠菜餃，辣餃，西芹餃辣餃好好食但都幾辣下所以每次食一粒就夠了擔擔麵味道岩岩好仲有埋肉鬆好鍾意佢既餃子可惜佢冇得買生餃唔係我實成日買返去食

大家嚟葵廣 通常都會選擇掃街 但係其實地下嗰層 都有唔少平民餐廳㗎 呢間一品香南北美食 就係平價之選啦🤓嚟得呢啲餐廳就唔好計較個環境啦 最緊要又平又飽肚🤭 我同女朋友叫咗一個套餐 再加多碗擔擔麵 都已經好飽啦四川擔擔麵單點嘅話只係$28 真係好似時光倒流返去10年前呀😱 擔擔面嘅配料用上榨菜同肉鬆 面底就係上海幼面 擔擔面湯底比較淡 無論係麻味定辣味都冇乜🤣煎包鍋貼 四個鍋貼係一早煎好嘅 有店員夾上碟 所以呢就唔係好熱 而鍋貼皮都比較厚身 唔係好食到肉餡 不過咬落口都幾多肉汁🐷鮮豆漿冇咩特別 但係喺舖頭自己製作 唔係街買嘅應該🙈呢間上海餐廳 真係以平取勝 見到有唔少人一支公嚟食 如果想又平又飽 呢間餐廳會係一個好選擇🙊

葵涌廣場美食很多，但相對的可以好好坐下食一餐的比較小，一品香算是和老公比較常去的小店。如果你大食，叫套餐會抵d。燥肉湯麵+鍋貼(4隻)+豆漿 $60老公叫的燥肉湯麵這裡的東西都比較濃味，肉燥調味足，湯底本身也有一點鮮味，麵質ok。鍋貼這裡的鍋貼是毎次必叫的，大大一粒，中間肉餡很多很飽實底煎得香脆，如果係細食的女孩，食4隻可能已經飽左。擔擔什餃麵+小籠包(4粒)+豆漿$64擔擔什餃麵喜歡這裡的擔擔麵，有炸菜，有肉鬆，湯底有小許花生醬味，小小辣，餃十分足料。小籠包小籠包也是料很足，會附上一個小碟內有薑絲，可以自己加醋點小籠包。豆漿這裡的豆漿就比較普通，份量算大杯。

擔擔麵係呢度已經30年了，由細個$14食到$28，D餃子豬肉麻麻，就算係自己包，我都食得出豬肉唔係靚野，相反擔擔麵的花生湯底、榨菜、豬肉鬆同價錢，出面大型連鎖上海菜無人做到擔擔麵靈魂，叻！

今日抽起條筋想食雲吞咁啱又經過一品香，點知留下不生難忘的味覺衝擊。叫咗一碗菜肉雲吞配鍋貼豆漿。鍋貼賣相可接受，但落單後唔夠5秒後上檯已經心知不妙。第一口咬落去既感覺好似咬緊舊乾咗既凍麵團，裡面冇肉汁不在話下，第一次食鍋貼既皮係厚到好似隔咗夜既硬身菜肉包咁。由於鍋貼既餡充滿味精所以搞到好口渴，一飲杯豆漿不得了。竟然係一杯冇味好似溝咗水既豆漿。威士忌溝水就飲得多，豆漿溝水真係第一次。到雲吞上檯，賣相都ok既，點知筷子一夾就知瀨嘢。包雲吞個師傅包個刻應該充滿住激動既心情。D雲吞實到好似乒乓肉丸咁，而裡面d餡都係同鍋貼一樣，經過滿滿的味精洗禮。食咗一粒半已經頂唔順。整體上今餐最好味係湯裡面D菜。不過由於個湯都係有嚴重既味精所以食完都係好口渴。而家口渴到好似係撒哈拉沙漠行咗兩日兩夜冇飲過水咁要搵水源。隔離檯兩位羅致光口中所講既中年人士，食完自己個餐聽到佢地竟然話好味然後再追加鍋貼同雲吞。。。一品香做咁重口味既食物可能係用心良苦，等味覺退化既老友記可以品嚐到久違既味道。對於味覺健全既人士，一品香，可一不可再。

食咗超過15年嘅鋪頭，最平嗰款擔擔麵，由佢 $12/$13一碗食到今日 $28一碗，每次嚟葵芳都忍唔住要食。😋😋 (我有朋友話佢由 $11一碗開始幫襯) 😜最鍾意佢個花生醬小辣湯底，加埋少少肉鬆，真係好香。不過今日食覺得佢個湯底已經無之前咁香濃，係有少少失望嘅……希望只係一時失手啦，我會再嚟架！ 😉

今日出開葵芳要搵地方醫肚記得呢間上海小店以前間中都會黎食下味道OK的TEA TIME黎到見有下午茶餐點左酸辣湯米線+鍋貼+豆漿好抵呀$33鍋貼就大大隻隻咁唔熱既個餡料都算多酸辣湯真係有少少意見呀淨係見到好多木耳豬紅得兩三條豆腐唔太見肉絲有少少啦味道正常既只係材料真係好薄弱反而個豆漿有驚喜仲擔心佢會好甜但無好甜又有豆味讚呀