昌興冰廳

Open Now

Now Closed

香港有得食米通粉既地方唔多，快餐店都係間唔中先出，突然想食米通粉就上左開飯睇下啦，就發現左呢間旺角某巷仔既店鋪。入到去原本想叫米通粉配札肉（因為睇之前既食評叫），但係餐牌竟然冇左札肉，咁就轉左叫漢堡扒米通粉，同加左$3番茄啦，仲叫左涷檸茶添，原來杯涷檸茶佢會幫你篤埋架，佢首先篤好檸檬，之後倒d糖水落冰桶度，再倒番出黎加入檸檬度，再落茶同冰，每個步驟中間佢都好細心咁攪勻，睇得出店主好用心去製作食品，值得一讚！米通粉唔會好似快餐店咁，煮到唔均勻有硬條情況出現，湯底都唔錯冇咩味精味，又唔會好似圖咁睇落冇味。漢堡扒都係煎到岩岩好，叫番茄以為係湯底點知係一個番茄一開四，但個番茄都唔差，唔會酸而且幾新鮮下，整體係唔錯值得去食多次，係個到食仲感覺到好有人情味添，d客同店員係熟到一齊吹水，淨係一杯小小既凍檸茶都好比心機慢慢沖，今時今日香港好難搵到呢類小店，值得去支持一下！