鬍鬚安火鍋菜館 (Closed)

終於可以約多兩個朋友仔食野啦！聞名以久既鬍鬚安，真係幾好食喎！懷舊傳統既火鍋店係香港已經唔易搵啦，店舖面積雖不大，但環境整潔，店員服務態度又好喎。佢地最出名係牛，A級手切肥牛既碟一放低，朋友們一陣就清晒lu，真係好鮮味！醉雞好滑喎；脆魚腩爽口肥美；蠔夠新鮮香蠔味；蝦成隻手掌咁大喎離晒譜！響鈴勁好食，成功令節食個朋友唔停咀🤣我就係咁飲胡椒豬肚湯底羅😂 掛住食好多野都冇咩影相呀！😭 而當日既鵝腸、黑柏葉同鱔魚片就一般水準。佢地自家製既菜肉餃、韮菜餃、炸醬餃、芋頭餃，唔食精緻澱粉既我都食唔停，好過份呀！😭但真係必食！🤣價錢亦公道，抵食！推介呢間店！