傑星冰廳

Open Now

Now Closed

週末瞓到自然醒，正好要到深水埗買嘢，見傑星冰廳在Openrice有好多好評就去食個早午餐。下午1:30到達餐廳 人不算太多，至少不太需要等位，看到餐牌好多選擇，但我衝住蕃茄豬潤豬扒湯烏冬而來，所以我沒有多選擇其他。最後叫了兩個餐，埋單$139。明星撈丁(炸雞脾腸仔印尼大撈）$57(大撈+$5)難得茶餐廳有印尼撈麵，老公即刻叫左，黎到見到個炸脾炸得幾靚，炸脾炸完仍然嫩滑，的確不錯。印尼撈麵就正常發揮，不會過乾。粉麵餐（蕃茄豬潤豬扒湯烏冬) $58(蕃茄湯+$2)因為我對蕃茄湯底的確有啲要求，我睇食評無為意到原來佢既蕃茄湯原來係焗意粉果種既茄汁。所以叫左。由於期望不同，所以不可以說它湯底不好，只是不是我預期，是還可以接受的味道來的。豬潤可能煮久了一點點，稍為有一點硬，也有可能我遲了食，所以口感一般，但的確是厚切的，豬扒就有一點鞋口。紅豆冰+$12正常發揮，紅豆好味🤤紅豆涼粉奶茶+$12奶太多，只能喝出一點點茶味。如果茶味濃點會較好。總括而言，餐廳選擇多，亦見到午餐會有送飯後生果，覺得都幾好，如果我是深水埗街坊，我也會選擇這間餐廳，但如果不在附近住，就未必會再刻意來試。