Video
Read full review
2023-10-18
448 views
約咗一班朋友食飯，順便就翻其中一啲下晝先去沙田踩單車嘅人，方便大家集合，所以就揀咗響大圍食飯，其中有朋友建議試吓大圍呢間西餐廳，位置都算方便，地鐵站行過去唔使5分鐘。環境裝修都好好，服務方面亦都非常唔錯，更加特別嘅係仲有live音樂聽，所以成件事感覺到非常好。今次食物方面因為人多點嘅嘢食亦都相對多，所以就應該唔會特別逐樣嘢細講嘞。龍蝦湯都幾香，不過有少少偏鹹。新鮮青口，配白酒忌廉汁，味道適中，配嘅薄麵包都唔錯，有少少偏硬嘅。芝士肉醬墨西哥脆片都可以，份量亦都幾足夠。特色小食拼盤，特別要讚嘅係啲醬汁幾好味，不過會建議簡單介紹一下邊隻醬汁點乜嘢比較好味會更加好，因為睇落去每一隻都唔知係乜嘢味要逐個試，先至會知道點樣配會更加好。威靈頓牛柳，因為唔係自己嘅喜好，所以唔會加以評論，但係賣相方面同埋食落口係唔錯嘅。黑松露薯條，勝在夠新鮮，簡簡單單，多啲茄汁更加好。傳統二式蒜香辣椒意大利麵，味道同份量都幾好，其實唔係好難，幾香。香煎帶子八爪魚墨魚汁，西班牙焗飯，份量好足夠，焗飯好煙韌，八爪魚好大隻，出到嚟好好睇，不過八爪魚切得比較大粒，所以食落去有啲韌。龍蝦汁海鮮意大利麵， 分量味道都好穩陣。香煎帶
今次食物方面因為人多點嘅嘢食亦都相對多，所以就應該唔會特別逐樣嘢細講嘞。
龍蝦湯都幾香，不過有少少偏鹹。
新鮮青口，配白酒忌廉汁，味道適中，配嘅薄麵包都唔錯，有少少偏硬嘅。
芝士肉醬墨西哥脆片都可以，份量亦都幾足夠。
特色小食拼盤，特別要讚嘅係啲醬汁幾好味，不過會建議簡單介紹一下邊隻醬汁點乜嘢比較好味會更加好，因為睇落去每一隻都唔知係乜嘢味要逐個試，先至會知道點樣配會更加好。
威靈頓牛柳，因為唔係自己嘅喜好，所以唔會加以評論，但係賣相方面同埋食落口係唔錯嘅。
黑松露薯條，勝在夠新鮮，簡簡單單，多啲茄汁更加好。
傳統二式蒜香辣椒意大利麵，味道同份量都幾好，其實唔係好難，幾香。
香煎帶子八爪魚墨魚汁，西班牙焗飯，份量好足夠，焗飯好煙韌，八爪魚好大隻，出到嚟好好睇，不過八爪魚切得比較大粒，所以食落去有啲韌。
龍蝦汁海鮮意大利麵， 分量味道都好穩陣。
香煎帶子黑松露意大利面，呢個都幾好食。
香烤雞翼冇乜特別嘢介紹，最重要係啱啱出嚟狗熱夠香。
Post
