皇冠冰室 (Closed)

今日去左旺角買Router，行過見到呢間冰室咁多人幫襯應該有D料到於是就入去試下。餐牌好多款式選擇，見到焗飯唔錯就叫左個咖哩焗牛腩飯試下。焗飯要等耐d，我就打住機一路等。個飯黎到我見到個樣都覺得幾滿意，而且聞到好香濃嘅咖哩味。配料係一大舊薯仔，焗過之後好香好粉，唔錯! 牛腩嘅件數都幾多，而且夠林唔痴牙，食完唔改同圍搵牙簽了牙。而咖哩汁係港式咖哩，唔算辣但非常濃味，撈飯食好快就食哂。題外話，因為我一個人所以要撘擡，但侍應都幾好招呼落單快靚正唔會俾左我碟飯人，服務唔錯。