Stables Grill (Changed Hand) New Restaurant

今日因為有學生在1881 Heritage 開畫展, 所以我同朋友仔決定捧場去欣賞佢地的作品....不過畫展未開始之前, 大家會先在場地內的餐廳享用lunch, 而學生的Mammy就同我&朋友仔book左西餐廳, 而佢地自己因為多人, 所以book左中餐廳...而西餐的餐廳就是Stables Grill...我同朋友仔入到餐廳, 都覺得設計好特別, 雖然餐廳的面積比較細, 但佢地採用了全木材的設計係我最喜歡的, 後來才知道這是一個馬廄的設計...而餐廳外有一個大花園, 落地玻璃的設計, 令人坐在餐廳內都不其然有一種異常悠閒的感覺....今次的lunch係半buffet 形式, buffet 部份係在大花園自助式前菜, 至於主菜, 我同朋友仔都揀左安格斯牛扒配薯條, 事實上佢地的選擇都幾多, 另外還有兒童餐...不過我估今日的menu係因為呢次畫展才有的, 所以未必係平時提供的選擇....蘑菇湯: 佢的賣相幾好, 但唔知係唔係因為我自己唔習慣飲咁濃味道的湯, 我感覺有點苦, 我自己就不太喜歡了....安格斯牛扒: 我好喜歡這個主菜, 肉汁都保留到, 口感唔會太「鞋」...份量亦適中...