Amitie Kitchen (Moved) New Location

小編今日同左老公去咗一間尖沙咀意大利餐廳，預祝一下結婚周年紀念。小店位於尖沙咀亞士厘道，地點非常方便。小店嘅裝修並不華麗，看似一啲樓上Cafe，不過整體都係乾淨簡潔嘅。小編老公分別叫咗一個忌廉明太子帶子意粉、加拿大豬肉眼扒同白酒忌廉煮靑口蒜蓉包。加入咗明太子嘅忌廉汁口感有啲特別，食落去明太子味唔會好重，不過個意粉食落去就多咗啲唔同嘅口感。帶子都幾多粒，但係就熟咗少少。加拿大豬扒相信係經過慢煮處理，個面煎得真係好靚，切出嚟入面有少少粉紅色，口感鬆軟而且留有肉汁，性價比非常高。至於嗰個白酒忌廉煮青口，青口新鮮而且份量都唔算少，不過如果煮嘅時候落多少少酒，就應該更好味。