太湖海鮮城 (Closed)

相約好耐冇見既舊同學，又唔知食乜好，其中一位同學話去食中餐，咁就去左太湖啦！講真，平時出去食飯，多數日、韓、泰，好少揀中餐，就係太耐冇食，所以都有少少期待，因為同學話唔錯喎。首先黎個併盆，有烤鱔、燒豬頸肉，仲有羊架添。我最like個烤鱔，肉嫩又林，個烤汁又好味，有炭燒既感覺，豬頸肉都唔差，燒到個邊好香又冇乜肥膏，至於羊架我一向少食，不過呢個我食左1小舊，好林好多汁，而且冇羶味。呢個唔知咩名堂，下面係茄子，上面係帶子，用豉汁蒸，再加1d蟹子增加鮮味同裝飾下，味道就係清清地咁冇乜特別嚕。呢碟賣相好差，係鮮腐竹煮茍紀菜，老老實實，起碼10年冇食過茍紀菜，所以覺得幾好味，有種苦苦澀澀既味，好回味啊！不過上碟衰相d啫 wakaka 其實仲有蒸蟶子架，不過唔記得影相，蟶子好新鮮好甜，又多肉，加埋d蒜蓉粉絲好味到暈。最後送左幾碗糖水，南瓜露同海底椰乜乜，我覺得好麻麻，2款都吸引唔到我，味道有d怪，特別係海底椰果碗好似溝左d油落去咁。好彩都仲有碟蛋散，我覺得好脆，連埋d椰絲糖仲香口，佢係似平時食粥加入去既脆脆質地，同我平時食既蛋散質地好唔同，好中意呢個蛋散 xddd