Video
Read full review
2020-11-24
6510 views
偶然經過呢間新疆菜，見到好多人喺出面等緊。原來全部都係一早預約好等最後一輪入座。我又醒起自從某一次喺外地食現烤全羊，之後一直念念不忘，於是問老闆可唔可以walk in ，苦等一個鐘，好好彩咁啱有一個booking 冇嚟。佢夜晚餐單選擇唔多，嚟得嘅都係食烤羊腿，唔好覺得三百幾蚊好貴，大份到嚇死人，for你一大班人食。但原來烤羊腿要好早預約定😔所以老闆娘推薦手抓羊肉俾我。本身仲覺得好失望，食唔到烤羊腿，點知原來手抓羊肉一樣咁出色😆😆本身麻麻哋鍾意食羊肉，因為接受唔到太羶嘅味道，呢個羊就恰到好處，既有羊味又唔會太smelly👍🏻👍🏻 老闆娘介紹話佢以蒸焗法烹煮，一邊蒸佢六個鐘一邊倒入高湯，怪唔得啲肉又嫩又juicy ，睇個樣咁白淨以為好淡口，點知好入味。唔同部位仲有唔同質感！另外就係佢超級大份，雖然真係好好味，食到完全行唔郁，逼不得已都要食剩兩舊。強烈建議唔好眼闊肚窄，淨係叫呢個都飽到暈。咁因為我就係眼闊肚窄嘅代表人物，所以仲叫咗個土豆絲同酸奶同羊肉串。有別於川菜土豆絲，呢隻有酸辣味，好開胃，爽口！But 個酸奶真係好睇個人喜好，我就覺得味道太重，似原味嘅希臘乳酪。羊肉串都好出色，油脂分泌均
佢夜晚餐單選擇唔多，嚟得嘅都係食烤羊腿，唔好覺得三百幾蚊好貴，大份到嚇死人，for你一大班人食。
但原來烤羊腿要好早預約定😔所以老闆娘推薦手抓羊肉俾我。本身仲覺得好失望，食唔到烤羊腿，點知原來手抓羊肉一樣咁出色😆😆
316 views
1 likes
0 comments
本身麻麻哋鍾意食羊肉，因為接受唔到太羶嘅味道，呢個羊就恰到好處，既有羊味又唔會太smelly👍🏻👍🏻
老闆娘介紹話佢以蒸焗法烹煮，一邊蒸佢六個鐘一邊倒入高湯，怪唔得啲肉又嫩又juicy ，睇個樣咁白淨以為好淡口，點知好入味。唔同部位仲有唔同質感！
另外就係佢超級大份，雖然真係好好味，食到完全行唔郁，逼不得已都要食剩兩舊。強烈建議唔好眼闊肚窄，淨係叫呢個都飽到暈。
356 views
0 likes
0 comments
咁因為我就係眼闊肚窄嘅代表人物，所以仲叫咗個土豆絲同酸奶同羊肉串。有別於川菜土豆絲，呢隻有酸辣味，好開胃，爽口！
But 個酸奶真係好睇個人喜好，我就覺得味道太重，似原味嘅希臘乳酪。
247 views
0 likes
0 comments
羊肉串都好出色，油脂分泌均勻，孜然香味撲鼻而來，仲好燙口真係即烤畀你。我以為係兩枝竹籤咁上下，點知個size 有你手臂咁長，枝串可以用嚟舞劍，見到都窒一窒。好少喺香港食到咁有風味嘅羊肉串。
247 views
0 likes
0 comments
好可惜好可惜好可惜冇食到本店鎮店名菜烤羊腿，但無論如何都會再叫多啲朋友嚟食，下次一定要試到！
Post
